पोखरा । पोखराको सिमलचौरस्थित ला ग्रान्डी इन्टरनेसनल कलेजको रक्तदानमा ७० युनिट रगत संकलन गरिएको छ । कलेजका विद्यार्थीहरुको संस्था आइडियाज फर ला ग्रान्डीको आयोजना र ला ग्रान्डी टेक टक तथा ला ग्रान्डी बिज सेन्टरको सहयोगमा रक्तदान भएको छ ।

कलेजका प्रिन्सिपल ई. किरण केसीले रक्तदान शुभारम्भ गरे ।
आइडियाज फर ला ग्रान्डीका सभापति जीवन भण्डारीको अध्यक्षतामा भएको कार्यक्रमको सहजीकरण बिपिएच आठौं सेमेस्टरका विद्यार्थी मौसमी गोदारले गरेकी थिइन् । कार्यक्रममा आइडियाज फर ला ग्रान्डीकी कार्यक्रम संयोजक सपना थापाले स्वागत गरेकी थिइन् ।

नेपाल रेडक्रस सोसाइटी, कास्की, रक्त संचार सेवाद्वारा प्राविधिक सहयोग रक्तदान गरिएको थियो । बिबिए कार्यक्रम संयोजक सुरज गौडेलले आयोजक विद्यार्थीलाई बधाई तथा संकायको तर्फबाट धन्यवाद दिए ।