पोखरा । पोखरा महानगरपालिका उपप्रमुख मञ्जुदेवी गुरुङले तालिममा सिकेको सीप र ज्ञानलाई व्यवहारमा कार्यान्यन गर्नुपर्नेमा जोड दिएकी छन् ।

पोखरा महानगर र गण्डकी बहुप्राविधिक शिक्षालयको आयोजनामा सञ्चालित निशुल्क इसिडी सहजकर्ता तालिम (मन्टेश्वरी अवधारणा) र सहायक सूचीकार तालिमको समापन कार्यक्रममा उपप्रमुख गुरुङले सो कुरा बताएकी हुन् । तालिम ६५ दिनसम्म चलेको थियो ।

उपप्रमुख गुरुङले पोखरा महानगरले नागरिकलाई व्यावसायिक र उद्यमी बनाउन विभिन्न कार्यक्रम सञ्चालन गरिरहेको जानकारी दिइन् । कार्यक्रममा पोखरा उद्योग वाणिज्य संघका कार्यवाहक अध्यक्ष पवन प्रजापती, पोखरा महानगर शिक्षा महाशाखा प्रमुख हेमप्रसाद आचार्य, गण्डकी बहुप्राविधिकका निर्देशक लक्ष्मण तिमिल्सिना लगायतले बोलेका थिए ।