पोखरा । असार १ गते गण्डकी प्रदेशका अर्थमन्त्री रामजी बरालले आगामी आर्थिक वर्षको बजेट प्रस्तुत गरे । संसदमा बजेट पढ्नुअघि मन्त्रीपरिषद् बैठक थियो । अर्थमन्त्रीले नीति तथा कार्यक्रमको आधारमा बजेट व्यवस्था गरेको क्याबिनेटलाई जानकारी गराए । मुख्यमन्त्री र मन्त्रीहरुको मुख्य जोड थियो, ‘निर्वाचन क्षेत्र पुर्वाधार विकास कार्यक्रम’ । आर्थिक वर्ष २०७६/०७७ मा पहिलो पटक उक्त कार्यक्रम गण्डकी प्रदेशमा प्रवेश हुँदा प्रदेशसभाको रोस्टममै उभिएर उनले उक्त कार्यक्रमको विरोध गरेका थिए । माओवादी सांसदसमेत रहेका बराल गतवर्ष जेठ २९ को सत्ता समीकरण फेरबदलबाट अर्थमन्त्री बने । अघिल्लो बजेट उनले बनाउन पाएनन्, अहिले भने पूरा बजेट बरालले नै बनाए । पहिले नै निर्वाचन क्षेत्र पूर्वाधार विकास कार्यक्रमको विरोध गरेका कारण बरालप्रति क्याबिनेटमात्रै होइन, सत्ता गठबन्धन नै आशंकित थियो, उक्त कार्यक्रम राख्नेमा । गठबन्धनको संयुक्त बैठक बसेर बजेट निर्माण अघि नै निर्वाचन क्षेत्रको बजेट राख्न निर्देशन दिएको थियो । मुख्यमन्त्रीले समेत निर्देशन दिएको कार्यक्रम नै बजेटमा आएन । उक्त कार्यक्रम अर्थमन्त्रीले नियोजित रुपमै हटाएका थिए ।
भोलिपल्ट पत्रकार सम्मेलन गरेर एकात्मक शासन प्रणालीको अवशेष भएकोले निर्वाचन क्षेत्र कार्यक्रम हटाएको बताएका बराल आधा महिनाको रस्साकस्सीपछि अन्ततः हटाएको कार्यक्रम राख्न राजी भएका छन् । निर्वाचन क्षेत्र पूर्वाधार विकास कार्यक्रम सांसदले बाँड्ने पैसा हो । हरेक वर्ष गण्डकीले ३६ निर्वाचन क्षेत्रका लागि २ करोडका दरले ७२ करोड विनियोजन गर्दै आएको थियो । उनले काटेको ७२ करोडको कार्यक्रमले गण्डकीलाई गञ्जागोल बनायो । उनले नाम फेरेर उक्त कार्यक्रम राख्न सहमति जनाएका छन् ।
‘कार्यक्रम र बजेट आउँछ । तर नाम फेरिन सक्छ । उहाँले त्यही नाममा बजेट दिन मान्नुभएको छैन,’ छलफलका एक सहभागीले भने, ‘उहाँकै अनावश्यक अडानले यो अवस्था आयो । गल्नु थियो भने बजेट हटाउनु हुँदैनथ्यो ।’ बरालले एक निर्वाचन क्षेत्र एक कृषि सडक निर्माणका लागि ३६ करोड विनियोजन गरेका छन् । त्यसबाहेक ७२ करोड रुपैयाँ पनि छुट्याउन तयार भएको मुख्यमन्त्री स्रोतले बतायो । ‘कृषि सडक छुट्टै भयो । ७२ करोडको ढिक्का छुट्टै हुन्छ,’ स्रोत भन्छ, ‘अर्थ विविध शीर्षकबाट व्यवस्थापन गर्ने कुरा भएको छ ।’ बरालले अर्थ विविध शीर्षकमा ३ अर्ब २९ करोड रुपैयाँ राखेका छन् ।
अर्थमन्त्री र मुख्यमन्त्रीबीच सहमतिपश्चात् सभामुखले सोमबार १ बजे संसद चल्ने सूचना पठाइसकेका छन्
मन्त्रीहरुले भने आफ्नो मन्त्रालयको सिलिङसमेत बिगारेको आरोप लगाएका छन् । ‘मन्त्रालयमा एउटा सिलिङ आएको थियो । सोही सिलिङका आधारमा कार्यक्रम पठायौं । रातो किताब निस्किने बेलामा मन्त्रालयको कार्यक्रम छैन, सबै अर्थमन्त्रीज्यूले आफ्ना कार्यक्रम भर्नुभएछ,’ भौतिक पूर्वाधार विकास मन्त्री कुमार खड्काले भने, ‘अर्थमन्त्रीले बजेट बनाउने हो, कार्यक्रम सम्बन्धित मन्त्रालयले बनाउँछ । उहाँले ऐन, नियम र अभ्यासलाई समेत भुलेर विभागीय मन्त्रीलाई रातो किताबका योजना देखाउन मान्नुभएको छैन । यो गलत हो ।’ आफ्नो मन्त्रालयमा मात्रै १ अर्बभन्दा बढीको कार्यक्रम यताउति भएको खड्काको आरोप छ ।
मन्त्रीहरुले आशंका गरेपछि अहिले रातो किताबमा समेटिएका योजनामा विभागीय मन्त्रालयले जाँच गरिरहेको छ । मन्त्रालयले पठाएर छुटेका कार्यक्रम पनि समेट्न अर्थमन्त्री तयार भएपछि संसद् अघि बढ्न लागेको मुख्यमन्त्री कृष्णचन्द्र नेपाली पोखरेलले बताए । ‘आन्तरिक रुपमा केही समस्या भएको हो । सच्याउन तयार हुनुभयो,’ उनले भने, ‘अब संसद चल्छ । बजेटमाथि छलफल हुँदै गर्दा रातो किताब बन्छ ।’ अब ‘रातो किताब’ (वार्षिक विकास कार्यक्रम पुस्तिका) सँगै अनुसूची समेटिएको ‘सेतो किताब’ समेत ल्याउन लागिएको छ । अर्थमन्त्री र मुख्यमन्त्रीबीच सहमति भएपछि सभामुखले सोमबार १ बजेदेखि संसद सुरु हुने सूचना सांसदलाई पठाइसकेका छन् ।
Related News
सम्बन्धित समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१