पोखरा । छोरा स्वः राजेश कोइरालाको स्मृतिमा पस्र्याङ निवासी कृष्णप्रसाद÷सीता कोइराला परिवारले वाराही माध्यमिक विद्यालयमा अक्षयकोष स्थापना गरेका छन् । उनीहरुले बिहीबार एक कार्यक्रमबीच १ लाख ५१ हजारको अक्षयकोष स्थापना गरेका हुन् । कोषमार्फत् बिरामी विद्यार्थीको उपचारमा सहयोग पुग्ने विश्वास लिइएको छ ।

कार्यक्रममा विद्यालय व्यवस्थापन समितिका अध्यक्ष निर्मल खत्रीले कोषदातालाई धन्यवाद ज्ञापन गर्दै असल कर्मको अनुशरण सबैले गर्नुपर्नेमा जोड दिए । प्रधानाध्यापक शिवप्रसाद भण्डारीले कोष तथा सहयोगदाता कोइराला परिवारबारे चर्चा गरे । कार्यक्रम सञ्चालन शिक्षक सुरेशकुमार पौडेलले गरेका थिए ।