पोखरा । नेपाल मुद्रण उद्योग महासंघ गण्डकी प्रदेशको नयाँ कार्य समिति चयन भएको छ । पोखरामा शनिबार भएको महासंघको तेस्रो वार्षिक साधारण सभा तथा दोश्रो अधिवेशनले वसन्त बास्तोलाको अध्यक्षतामा नयाँ कार्य समिति चयन गरेको हो ।

समितिको प्रथम उपाध्यक्ष सुर्दशन रेग्मी र द्वितीय उपाध्यक्ष भीम रसाइली, महासचिव मनोहर दाहाल, सचिव भीम शर्मा, कोषाध्यक्ष कोपिला श्रेष्ठ र सह–कोषाध्यक्षमा सूर्य पौडेल निर्वाचित भए ।

सदस्यहरु पुनम गुरुङ, घनश्याम गौतम, माधव तिवारी, गोविन्द सिग्देल, सन्दीप खत्री र गीता खनाल छन् । महासंघका केन्द्रीय अध्यक्ष खोमकान्त रेग्मी र वरिष्ठ उपाध्यक्ष विष्णु तिवारीले संयुक्त रुपमा अधिवेशन उद्घाटन गरेका थिए ।

महासंघ गण्डकीका अध्यक्ष महेन्द्र बजिमयको अध्यक्षतामा भएको कार्यक्रममा वरिष्ठ उपाध्यक्ष एवं केन्द्रीय सदस्य खगेन्द्र अर्यालले स्वागत र महासचिव वसन्त बास्तोलाले सञ्चालन गेरेका थिए ।