लेखनाथ । लेखनाथ उद्योग वाणिज्य संघले रजत वर्षको अवसरमा शनिबार सदस्यबीच दौड प्रतियोगिता गरेको छ।

महिला तथा पुरुष व्यवसायीबीच दौडमा महिलातर्फ माछापुच्छ्रे गार्मेन्टका संचालक चोलीमाया थापा र पुरुषतर्फ स्मार्ट बहुउद्देश्यीय कृषि फर्मका संचालक राहुल थापाले प्रथम भए ।

विभिन्न व्यावसायिक प्रतिष्ठानका ९१ उद्योगी व्यवसायी प्रतिस्पर्धीमध्येबाट महिला व्यवसायीतर्फ सुष्मा सापकोटा द्वितीय, छाया बसौला तृतीय भए । सरस्वती बराल, इन्दु जिसी र एलिसा बरालले क्रमशः चौथो, पाँचौं र छैटौं स्थान प्राप्त गर्न सफल भएका छन् ।

पुरुषतर्फ महेन्द्र नेपाली द्वितीय, मदनकुमार थापा तृतीय, खिमनाथ शर्मा, अपिल सुवेदी र प्रकाश भूर्तेल क्रमशः चौथो, पाँचौ र छैटौ स्थान प्राप्त गर्न सफल भएका छन् ।

पूर्व अध्यक्षतर्फ सुमन भट्टराई प्रथम भए । विभिन्न दौड प्रतियोगिता च्याम्पियन सिद्धान्त अधिकारी, मनीषा अधिकारी, गोपबहादुर अधिकारी, हरि वरुवाल र गजबहादुर गुरुङ छन् । कार्यक्रम समापन संघका अध्यक्ष छत्रधर आत्रेयले कार्यक्रम समापन गरेका थिए । संघका महासचिव उपेन्द्रराज सुवेदी (राजु) ले संचालन गरेका थिए ।