पोखरा । पर्यटकीयस्थल घान्द्रुक जाने सडकखण्डको जोखिमयुक्त घुम्तीमा लामा फाउण्डेशन घान्द्रुकले कन्भेक्स मिरर राखेको छ । अन्नपूर्ण गाउँपालिका १० र ११ घान्द्रुकस्थितका विभिन्न १० घुम्तीमा १ लाख बराबरको कन्भेक्स मिरर जडान गरेको हो ।
सवारी दुर्घटना न्युनीकरण गर्ने उद्देश्य सहित कन्भेक्स मिरर राखेको फाउन्डेसनका संस्थापक अमृत लामा गुरुङले बताए । उनका अनुसार अन्नपूर्ण ८, वीरेठाँटी, लामखेत, सार्दीखोला, सिर्दीडाँडा, भिचुकचोकमा २ वटा, छैछरीचोकको स्कुल घुम्ती, सिँवै र हुँदु लगायतका घुम्तीमा कन्भेक्स मिरर जडान गरिएको हो ।
घान्द्रुकमा दिनहुँ पर्यटकको आवागमन वृद्धि भएको बताउँदै यात्रा सुरक्षित गराउने उद्देश्यसहित ऐना जडान गरिएकोे बताए । ‘अहिले सडक पिच भएको छ । गाडीको गति बढी हुने र दुर्घटना हुने सम्भावना बढी भएकाले यसलाई न्युनीकरण गर्ने उद्देश्यसहित जडान गरेको हो, उनले भने, ‘यो अभियानमा देश तथा विदेशमा रहनुभएका आफन्तजन साथीभाइको आर्थिक सहयोग गर्नुभएको छ ।’
कन्भेक्स मिररले विपरीत दिशाको बाटो अवस्था देख्न सघाउ पु¥याउँछ । कन्भेक्स मिरर जडान गरेपछि चालक पनि हर्षित छन् । स्थानीय चालक विजय घमालले जोखिमयुक्त सडकको घुम्तीमा ऐना जडान गरेपछि दुर्घटना न्युनीकरण हुने धारणा राखे । उनले ऐना जडान हुनुभन्दा पहिले घुम्तीमा सवारी हर्नको प्रयोग अत्यधिक हुने गरेको बताउँदै अब हर्नको प्रयोग गर्न नपर्ने सुनाए । ‘कसैले त हर्न पनि बजाउँदैनन्, उनले भने, ‘ऐना राखेपछि उताबाट के आएको छ प्रष्ट देखिन्छ । त्यसैले दुर्घटना हुने सम्भावना कम छ । र हामीलाई गाडी चलाउन पनि सजिलो भएको छ ।’
उनले फाउन्डेसन संस्थापक लामालाई धन्यवाद समेत व्यक्त गर्दै विगतमा कलाभिरमा समेत रेलिङ निर्माण गरिदिएको स्मरण गरे ।
विभिन्न सामाजिक कार्यमा सक्रिय रहँदै आएको फाउन्डेसनले यसअघि घान्द्रुकस्थित कलाभीरमा सम्भावित दुर्घटना न्युनीकरण गर्ने उद्देश्यसहित १ लाख ४५ हजारको लागतमा रेलिङ निर्माण गरेको थियो । उक्त भीरमा गत वर्षको असोज २५ गते जिप दुर्घटना हुँदा चालकसहित ८ जनाले घटनास्थलमै ज्यान गुमाएका थिए ।
Related News
सम्बन्धित समाचार
अमरसिंह माविको ६८ औं वार्षिकोत्सव
कास्की कारागारमा आँखा शिविर, १ सय ८८ जनाको आँखा परीक्षण
कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
पोखरा १२ मा सहरी स्वास्थ्य केन्द्रको भवन शिलान्यास
संघका कर्मचारीसँग मुख्यमन्त्री आजित !
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०