लेखनाथ उद्योग वाणिज्य संघमा वक्तृत्वकला

आदर्श समाज सम्वाददाता
असार १८, २०७९
lcc

लेखनाथ । लेखनाथ उद्योग वाणिज्य संघले आफ्नो रजत वर्षका अवसरमा शुक्रबार विद्यालयस्तरीय वक्तृत्वकला प्रतियोगिता गरेको छ ।

रजत वर्ष विविध कार्यक्रमका साथ मनाउने उद्देश्यले आयोजित प्रतियोगितामा युनिभर्स बोर्डिङ स्कुल पोखरा ३२ का करुणा शर्माले प्रथम स्थान हासिल गर्न सफल भएकी छन् ।

विभिन्न ४ शीर्षकअन्तर्गत १९ प्रतिस्पर्धीमध्येबाट त्रिभुवन शान्ति माविका प्रशिद्धी ओझा द्वितीय, डायमण्ड माविका रक्षा अधिकारी तृतीय भए । न्यु लाइट माविका युरिका सुवेदी, नेपाल आदर्शका माविका स्वागत भुषाल, लेखनाथ पब्लिक स्कुलका विवेक अधिकारी र गोगन माविकी स्मृति ढकालले सान्त्वना स्थान हासिल गरेका थिए ।

लेउवा संघका अध्यक्ष छत्रधर आत्रेयको अध्यक्षतामा भएको कार्यक्रमका निर्णायकमा विन्ध्यवासिनी संस्कृत विद्यापीठ पोखराका क्याम्पस प्रमुख डा. जगन्नाथ रेग्मी, पृथ्वीनारायण क्याम्पस पोखराका उपप्राध्यापक सुरज पौडेल र कन्या क्याम्पस पोखराका उपप्राध्यापक डा. भूमिराज वस्ताकोटी रहेका थिए ।

कार्यक्रम संयोजक एवं संघका उपमहासचिव जानुका अधिकारी पराजुलीको अध्यक्षतामा भएको कार्यक्रमको संचालन महासचिव उपेन्द्रराज सुवेदी (राजु) ले गरेका थिए । साथै, संघले शनिबार लेखनाथ महोत्सवस्थलबाट भण्डारढिक चौरसम्म दौड प्रतियोगिता गर्दैछ ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width