मेयर आचार्यद्वारा नगर विकासमा पदभार

आदर्श समाज सम्वाददाता
असार १८, २०७९
Mayor Acharya

पोखरा । पोखरा महानगरपालिकाका प्रमुख धनराज आचार्यले पोखरा उपत्यका नगरविकास समितिको अध्यक्षको समेत पदभार ग्रहण गरेका छन् । सहिदचोकस्थित कार्यालयमा बिहीबार उनले पदभार ग्रहण गरेका हुन् ।

पदभार ग्रहण गर्दै उनले पोखरा उपत्यका नगरविकास समितिको नाममा कति जमिन कस्तो अवस्थामा छ भनेर १ महिनाभित्र सार्वजनिक गर्ने प्रतिवद्धता जनाएका छन् । ‘पोखरामा पोखरा उपत्यका नगर विकास समितिसँग प्रशस्त जग्गा छ । तर, के कति छ भन्ने लेखाजोखा नै राखिएको छैन र संरक्षणमा समेत ध्यान दिइएको छैन भन्ने आमनगरवासीलाई परेको छ । आफ्नो सम्पत्ति संरक्षण गर्न सकेन भन्ने परेको छ । हामी आजको मितिले १ महिनाभित्र उपत्यका नगर विकास समितिको नाममा कति जमिन कस्तो अवस्थामा छ भन्ने लेखाजोखा गरेर सार्वजनिक गछौं’, उनले भने ।

यसैबीच, जिल्ला अदालत कास्कीको फैसला अनुरुप उपत्यका नगर विकास समितिको ठहर्ने फैसलाबाट प्राप्त जमिन सार्वजनिक हितका लागि प्रयोग गर्न खाली गराउने बैठकले निर्णय गरेको छ । त्यसका लागि ३५ दिने सूचना निकाल्ने र सम्याउने निर्णय भएको हो । जिल्ला अदालत कास्कीले असार १३ मा न्युरोडमा रहेको किनं १६६८ नम्बरको ५ रोपनी, ४ आनाभन्दा बढी जमिन समितिको हुने फैसला गरेको थियो । न्यायाधीश श्रीकृष्ण भट्टराईको इजलासले सोही जग्गामा पोखरा उपत्यका नगर विकास समितिको दाबी पुग्ने फैसला गरेको हो ।

सो जग्गामा दशकौँदेखि पोखरा ४ निवासी कोइराला परिवारको दाबी रहँदै आएको थियो । राजेन्द्रनिधि कोइराला, शकुन्तला कोइराला र भरतराज कोइरालाले दाबी गर्दै आएको उक्त जग्गा सार्वजनिक र सरकारी कायम गरिपाउँ भनी नागरिक समाजका अगुवाहरू विष्णुप्रसाद बराल र परशुराम बराल तथा अधिवक्ता डिल्लीराम अधिकारीले कास्की जिल्ला अदालतमा रिट दायर गरेका थिए । नगर योजना कार्यान्वयन समिति उत्तराधिकार संस्था पोखरा उपत्यका नगर विकास समितिले पनि जमीन आफ्नो हुनुपर्ने दाबीसहित मुद्दा हालेको थियो ।

गत वैशाख ३० को स्थानीय चुनावबाट पोखराको मेयरमा सत्ता गठबन्धनबाट एकीकृत समाजवादीका उम्मेदवार धनराज आचार्य मेयरमा निर्वाचित भएका हुन् ।

Related News

सम्बन्धित समाचार

  • प्लाष्टिकमुक्त नगर अभियानमा सहयात्री सहकारी

    आदर्श समाज सम्वाददाता श्रावण ३१, २०७९
    स्याङ्जा । सहयात्री को–अपरेटिभ लिमिटेड, स्याङ्जाको ११ औं वार्षिकोत्सव अवसरमा सपिङ ब्याग वितरण गरिएको छ । ‘सफा पुतलीबजार राख्न, हाम्रो…
  • बहुउद्देश्यीय सामाजिक भवन निर्माण

    आदर्श समाज सम्वाददाता श्रावण ३१, २०७९
    पोखरा । गण्डकी प्रदेश सरकारका कानुन, संचार तथा प्रदेशसभा मामिला मन्त्री बिन्दुकुमार थापाले नयाँबजार बहुउद्देश्यीय सामाजिक भवन निर्माणले स्थानीयलाई सहजता…
  • बागलुङ–पोखरा मगर समाजमा गजेन्द्र

    आदर्श समाज सम्वाददाता श्रावण ३१, २०७९
    पोखरा । बागलुङ–पोखरा मगर समाजको आठौं अधिवेशन तथा १६ औं वार्षिक साधारणसभाबाट अध्यक्षमा गजेन्द्र थापामगर सर्वसम्मत निर्वाचित भएका छन् ।…
  • सगरमाथामा विद्यार्थी स्वागत एवं सम्मान

    आदर्श समाज सम्वाददाता श्रावण ३१, २०७९
    पोखरा । सगरमाथा सेकेण्डरी स्कुल, नयाँबजारमा नवआगन्तुक विद्यार्थीको स्वागतमा २३ औं वार्षिक स्वागत कार्यक्रम आयोजना गरिएको छ । एसइई उत्तीर्ण…
  • प्रेस सेन्टर पदाधिकारीको सम्मान

    आदर्श समाज सम्वाददाता श्रावण ३१, २०७९
    पोखरा । प्रेस सेन्टरको चौंथो महाधिवेशनमा गण्डकी प्रदेशबाट निर्वाचित पदाधिकारीको पोखरामा सम्मान गरिएको छ । प्रेस सेन्टर कास्कीले सोमबार पोखरामा…

hero news full width