पोखरा । महालक्ष्मी विकास बैंकले सामाजिक उत्तरदायित्वअन्तर्गत पोखरा २६ सिलिंगेमा अवस्थित जटाशंकर धार्मिक विकास समितिलाई ३ थान फलामको बेन्च सहयोग गरेको छ । महालक्ष्मी बैंक विजयपुर शाखाको अगुवाइमा सहयोग गरिएको हो ।

कार्यक्रम पोखरा रिजनका ब्रान्च संयोजक एवंं न्युरोड शाखाका प्रबन्धक गणेशप्रसाद आचार्य र विजयपुर शाखाका शाखा प्रबन्धक सूर्यबहादुर थापाले संयुक्त रुपमा धार्मिक विकास समितिका अध्यक्ष युवा पण्डित रामप्रसाद सिग्देललाई सहयोग हस्तान्तरण गरेका हुन् ।

कार्यक्रममा पं. रामप्रसाद सिग्देल, समाजसेवी हरिप्रसाद अधिकारी, पोखरा २६ का जनप्रतिनिधि लक्ष्मीदेवी भट्टराई, जनप्रतिनिधि तीर्थ राजभाट, शाखा प्रबन्धक सूर्यबहादुर थापा, गणेशप्रसाद आचार्यलगायतले बोलेका थिए । कार्यक्रम समितिका सचिव विकास रानाभाटले सञ्चालन गरेका थिए ।

महालक्ष्मी विकास बैंकले सामाजिक उत्तरदायित्वअन्तर्गत देशभरका १ सय ३ शाखाबाट सहयोग गर्दै आएको र आगामी दिनमा पनि यस्ता कार्यक्रमलाई निरन्तरता दिइने शाखा प्रबन्धक सूर्यबहादुर थापाले जानकारी दिए ।