पोखरा । पछिल्लो समयमा मूल्य वृद्धिका गुनासा बढिरहेका छन् । ग्यास र पेट्रोलियम पदार्थको मूल्य वृद्धिको सूचना नेपाल आयल निगमले बेलामा बेलामा दिइरहेको हुन्छ भने खाद्यान्न र फलफूल, तरकारीमा व्यवसायीले आफूखुसी मूल्य बढाउने गरेको गुनासो जनस्तरबाट उठिरहेका छन् । पोखरामा पनि मूल्य वृद्धिको गुनासा बढ्न थाले ।
मूल्य वृद्धिको गुनासा बजारभर आइरहेको समयमा गण्डकी प्रदेशका मुख्यमन्त्री कृष्णचन्द्र नेपाली पोखरेलको ध्यानाकर्षण भएको छ । उनले शनिबार उद्योग वाणिज्य तथा उपभोक्ता हित संरक्षण निर्देशनालयका निर्देशक नारायण आचार्य र उपभोक्ता मञ्च गण्डकीका अध्यक्ष कपिलनाथ कोइरालालाई डाकेर तुरुन्त बजार अनुगमन गर्न सुझाए । मुख्यमन्त्रीबाट निर्देशन आएपछि उपभोक्ता हित संरक्षण निर्देशनालयको नेतृत्वमा एक टोली बनाएर आइतबार अनुगमनमा निस्कियो । अनुगमन टोलीमा आचार्य र कोइरालासहित जिल्ला प्रशासन कार्यालय कास्कीका शिवप्रसाद गौतम, जिल्ला प्रहरी कार्यालयका राजेन्द्र पौडेल, खाद्य तथा गुण नियन्त्रण कार्यालय पूर्णकला थापा थिए ।
टोलीलाई पोखराको पेपे पिज्जाले २० रुपैयाँ पर्ने मिनरल वाटरलाई ५० रुपैयाँमा बेचेको गुनासो पुगिसकेको थियो । उपभोक्ताबाट आएको गुनासोको सुनुवाई गर्दैै टोली पेपे पिज्जामा पुग्यो । त्यहाँ पुगेको टोली सम्बन्धित व्यवसायीलाई ३ दिनभित्र जिल्ला प्रशासनमा हाजिर हुन निर्देशन दिएको उपभोक्ता मञ्च गण्डकीका अध्यक्ष कपिलनाथ कोइरालाले जानकारी दिए । ‘पानीमा बढी मूल्य लिनुपर्नाको कारण के हो? भनेर जिल्ला प्रशासनमा ३ दिनभित्रमा उपस्थित हुन पत्र काटियो,’ उनले भने ।
टोलीले पोखरा जिरो किलोमिटरको कृष्ण पार्वती स्टोर्समा अनुगमन गरेको थियो । स्टोर्समा पुग्दा बिलबिजक अद्यावधि नगरिएका भेटिएको कोइरालाले बताए । । कृष्ण पार्वती स्टोर्सलाई उपभोक्ता संरक्षण ऐन २०७५ को दफा २० अनुसार २० हजार जरिवाना गरिएको उनले बताए । लगत्तै अनुगमन टोली हाम्रो सम्झना सपिङ सेन्टर पुग्यो । त्यहाँ पुगेर आवश्यक कागजात माग गर्यो । तर उनीहरुले अद्यावधि प्रमाणपत्र लगायत अन्य कागजात उपलब्ध गराउन सकेनन् । ‘हामीले माग गरेको कागजातहरु उहाँले उपलब्ध गराउन सक्नुभएन,’ उनले भने, ‘दर्ताका कागज, अनुमति, नवीकरणलगायत आवश्यक कागज देखाउनु भएन ।’ त्यसकारण सो सपिङ सेन्टरलाई तत्काल ५० हजार जरिवाना गरिएको उनले जानकारी दिए ।
मूल्य अभिवृद्धिको अर्को कारण भनेको भारतबाट उत्पादन भएर आएका सामानमा आफूखुसी मूल्यसूची टाँस्नु रहेको कोइरालाले बताए । ‘भारतबाट उत्पादित एमआरपी प्रिन्ट भएकामा त्यही अनुसार बिक्री नगरी आफू खुसी मूल्य निर्धारण गरको पाइयो,’ उनले भने । यसका लागि जुन मूल्य हो त्यही एमआरपी मूल्य नेपालीमा रुपान्तर गरी आएको मूल्यभन्दा बढी मूल्य लिएको थाहा भएमा तत्काल कारबाही हुने निर्देशन जारी भएको उनले बताए ।
Related News
सम्बन्धित समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
hero news full width
मुख्य समाचार
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१