पोखरा। राष्ट्रिय प्रजातन्त्र पार्टी कास्कीले विभिन्न माग राख्दै पोखरामा हस्ताक्षर संकलन गरेको छ । पेट्रोलियम पदार्थको मूल्यवृद्धि विरोध, भ्रष्टाचार न्यूनिकरण र अमेरिकासँग हुन लागेको एसपीपी (स्टेट पार्टनरशिप प्रोग्राम) सम्झौताको विरोधमा पार्टीले हस्ताक्षर संकलन अभियान चलाएको हो । पोखरामा भएको यो अभियानका क्रममा करिब १६ हजार जनाले हस्ताक्षर गरेको पार्टीको दाबी छ ।
पोखराको अमरसिंहचोक, चिप्लेढुंगा र पृथ्वीचोकमा दुई दिन लगाएर हस्ताक्षर संकलन गरेको राप्रपपा कास्कीका अध्यक्ष नारायण गुरुङले बताए । साथै हस्ताक्षरको क्रममा हालै गण्डकी प्रदेश सरकारले बढाएको सवारी करको पनि विरोध गरिएको उनले जनाए । विभिन्न स्थानबाट दुई दिन लगाएर संकलन भएको हस्ताक्षर बिहीबार पार्टीले मुख्यमन्त्री कृष्णचन्द्र नेपाली पोखरेललाई बुझाएको छ ।
हस्ताक्षर सहितको ज्ञापन पत्र ग्रहण गर्दै लोकतन्त्रको सुन्दर पक्ष नै शान्तिपूर्ण विरोध र सुझाव रहेको बताए । नागरिकको हितलाई ख्याल गर्दै राप्रपाले बुझाएको ज्ञापनपत्रमा उल्लेखित बुँदामध्ये प्रदेश सरकारसँग जोडिएका विषयमा आफूले सम्बोधन गर्ने र बाँकी विषय प्रधानमन्त्री कार्यालयमा पठाउने प्रतिबद्धता जनाए ।
राप्रपाले तत्काल आफ्ना मागहरु पूरा गर्न सरकारसमक्ष आग्रह गरेको छ । ‘सरकारले जनतालाई सुविधा दिनुको साटो उल्टोे बोझ थप्ने काम गरेको छ । जुन कुरा व्यावहारिक छ्रैन । यस्ता जनतामारा निर्णयहरुको राप्रपा सँधै विरोध गरिरहन्छ,’ राप्रपा कास्कीका अध्यक्ष गुरुङले भने ।
राप्रपा कास्कीले यसअगाडि पनि शान्तिपूर्र्ण रुपमा महंगी र भ्रष्टाचारविरुद्ध आवाज उठाउँदै आइरहेको छ । ‘हामीले अहिलेसम्म जनताको सवाल र अधिकारको विषयमा शान्तिपूर्ण आवाज निरन्तर रुपमा उठाउँदै सरकारलाई खबरदारी गरिरहेका छौँ ।’ राप्रपा कास्कीका प्रवक्ता अरुण गिरीले भने,‘यद्यपि राज्यले हाम्रो मागको सम्बोधन गर्नेतर्फ उति सारो ध्यान दिइरहेको छैन ।’ राज्यले आफूहरुको मागलाई सम्बोधन गर्नेतर्फ ध्यान नदिए आन्दोलनले फरक रुप लिन सक्ने पार्टीले जनाएको छ ।
सरकारले जनतामारा काम गरिरहने र आफूहरुको माग सम्बोधन नगर्ने हो भने आन्दोलनमा बल प्रयोग हुन सक्ने पार्टीले जनाएको छ ।
Related News
सम्बन्धित समाचार
पोखरा विश्वविद्यालय शिक्षण अस्पतालको निरीक्षण
एमाले कास्की अध्यक्षमा बैनबहादुर विजयी
क्षत्री समाज नेपालको केन्द्रीय महाधिवेशन दमौलीमा हुने
कालीगण्डकी कोरिडोरः १५ महिनापछि बेनी–मालढुंगाखण्ड निर्माणमा प्रगति
आँखाको साथसाथै कानको उपचार सेवा विस्तार गर्दै नेपाल नेत्रज्योति संघ
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०एमाले कास्कीमा नयाँ नेतृत्वका लागि मतदान
चैत्र १३, २०८०