आजदेखि हेमजा गोल्डकप

आदर्श समाज सम्वाददाता
असार ४, २०७९
hemja gold cup

प्रतियोगिताको लागि सिंगारिएको गेट।

हेमजा । हेमजा युनाइटेडको आयोजनामा शनिबारदेखि छैटौं नेपाल आइस अन्तर्राष्ट्रिय हेमजा गोल्डकप हुँदैछ । असार ११ सम्म चल्ने प्रतियोगिताको तयारी पूरा भएको आयोजक संस्थाका अध्यक्ष इन्द्रबहादुर कुँवरले जनाए । पोखराका नवनिर्वाचित मेयर धनराज आचार्यले प्रतियोगिता उद्घाटन गर्ने कार्यक्रम छ ।

प्रतियोगिता सुरु हुनु पूर्व स्थानीय मिलनचोकदेखि गौरीशंकर खेलमैदान (गैरी) सम्म बाजागाजासहित शोभायात्रा निकाल्ने कार्यक्रम रहेको जनाइएको छ ।

उद्घाटन खेल आयोजक हेमजा युनाइटेड र वीरगञ्ज युनाइटेडबीच शनिबार हुनेछ । प्रतियोगितामा १ विदेशी सहित ८ टिम सहभागि हँुदैछन् । जसमा विभागीय एपिएफ, चर्च ब्वाइज, विदेशी अफ्रिकन क्यामरुन, कमलटार, कालिका स्पोट्र्स चितवन, बागमती युवा क्लब सर्लाही, वीरगञ्ज युनाइटेड र आयोजक हेमजा युनाइटेडले सहभागिता जनाउँदैछन् ।

विजेताले ६ लाख र उपविजेताले ३ लाख साथमा शिल्ड, मेडल र प्रमाणपत्र प्राप्त गर्ने छन् । सर्वोत्कृष्ट खेलाडीलाई ५० हजार, सर्वाधिक गोलकर्ताले २५ हजार, उत्कृष्ट डिफेन्डर, मिडफिल्डर, फरवार्ड, गोलरक्षक तथा उदियमान खेलाडीले जनही २० हजार रकम प्राप्त गर्नेछन् । अनुशासित टिमलाई २५ हजार रुपैयाँ दिइनेछ ।

आयोजक युनाइटेडले प्रतियोगितासँगै हेमजाबाट अन्तर्राष्ट्रियस्तरका खेलाडी उत्पादन गर्नुका साथै पोखरा २५ भित्रका हरेक विद्यालयलाई खेलकुद हवरुपमा विकास गर्न सहयोग पुग्ने विश्वाससमेत लिएको छ । प्रतियोगितालाई नेपाल आइसले प्रायोजन गरेको छ ।

Related News

सम्बन्धित समाचार

  • अरुणा र प्रदीप वर्ष खेलाडी

    आदर्श समाज सम्वाददाता असार १८, २०७९
    पोखरा, १८ असार । भलिबल खेलाडी अरुणा शाही र टेनिसका प्रदीप खड्का वर्ष उत्कृष्ट खेलाडी घोषित भएका छन् । नेपाल खेलकुद…
  • पोखरा स्पोर्टस् अवार्ड आज

    आदर्श समाज सम्वाददाता असार १८, २०७९
    पोखरा । नेपाल खेलकुद पत्रकार मञ्च गण्डकीको आयोजनामा शनिबार छैटौं पोखरा स्पोर्टस् अवार्ड–२०७८ हुँदैछ । समारोहमा मञ्चले विभिन्न ७ विधामा…
  • एथलेटिक्स रेफ्री तथा निर्णायक सेमिनार

    आदर्श समाज सम्वाददाता असार १७, २०७९
    पोखरा । प्रदेश खेलकुद परिषद गण्डकीको आयोजनामा गण्डकी प्रदेश एथलेटिक्स खेललक्षित निर्णायकलाई रेफ्री तथा निर्णायक सेमिनार सुरु भएको छ ।…
  • पोखरा स्पोर्टस् अवार्ड तयारी पूरा

    आदर्श समाज सम्वाददाता असार १७, २०७९
    पोखरा । नेपाल खेलकुद पत्रकार मञ्च गण्डकीको आयोजनामा शनिबार छैटौं पोखरा स्पोर्टस् अवार्ड–२०७८ मा ७ विधामा अवार्ड प्रदान गरिने भएको…
  • भट्टराईलाई लाइफ टाइम अचिभमेन्ट अवार्ड

    आदर्श समाज सम्वाददाता असार १५, २०७९
    पोखरा । नेपाल खेलकुद पत्रकार मञ्च, गण्डकीले अग्रज खेलाडी गणेशबहादुर भट्टराईलाई लाइफ टाइम अचिभमेन्ट अवार्डबाट सम्मान गर्ने भएको छ ।…

hero news full width