पोखरा । गण्डकी प्रदेश सरकारले आगामी आर्थिक वर्ष २०७९/०८० का लागि बुधबार बजेट सार्वजनिक गर्दैछ । गण्डकीसहित प्रदेश सरकारहरुले आफ्नो कार्यकालको अन्तिम बजेट एकै दिन बुधबार प्रस्तुत गर्न लागेका हुन् ।
गण्डकी प्रदेशका अर्थमन्त्री रामजी बराल जीवनले दिउँसो ४ बजे संसदमा बजेट प्रस्तुत गर्ने कार्यक्रम छ । सरकारले चालू आवको तुलनामा आगामी आवको लागि झण्डै ८ अर्ब बढीसम्मको बजेट ल्याउँदैछ । स्रोतका अनुसार सरकारले आगामी आव २०७९/०८० का लागि ३६ देखि ३८ अर्ब बराबरको बजेट ल्याउने जनाइएको छ । चालू आवमा ३० अर्ब ३ करोड रुपैयाँको बजेट थियो ।
मुख्यमन्त्री कृष्णचन्द्र नेपाली पोखरेल नेतृत्वको सरकारले दोस्रो पटक बजेट ल्याउन लागेको हो । कांग्रेससहित माओवादी केन्द्र, जसपा, जनमोर्चा र स्वतन्त्र सांसदको समर्थनमा अघिल्लो वर्ष जेठ २९ मा सरकारको नेतृत्व सम्हालेको केही दिनमै बजेट प्रस्तुत गरिएको थियो । त्यसबेला बजेट ल्याउँदा मात्र मन्त्रालय संख्या ७ मात्र रहेकोमा दोस्रो तथा अन्तिम बजेटसम्म आइपुग्दा बढाएर १२ पुर्याइएको छ ।
बजेटका लागि बाटो खुला गर्न सोमबारमात्र प्रदेश सरकारको नीति तथा कार्यक्रम बहुमतले पारित भएको थियो । तर बजेटमार्फत सत्ता गठबन्धनका ३१ सांसदलाई करोडौंका योजना दिन लागेको विषयको भने चौतर्फी आलोचना सुरु भएको छ । सत्ता गठबन्धनका सांसदलाई टाउको गनेर बजेट दिन लागिएको छ । सत्ता गठबन्धनका ३१ सांसदलाई ५ करोड रुपैयाँका दरले बजेट छुट्याइएको प्रदेशका ऊर्जा, जलस्रोत तथा खानेपानी मन्त्री हरिशरण आचार्यले बताए । जबकि २६ सांसद रहेको प्रमुख प्रतिपक्ष दल नेकपा एमालेलाई मात्र ३५ करोड रुपैयाँ छ । सत्ता गठबन्धनका प्रतिसांसद ५ करोड दरले १ अर्ब ५५ करोड रुपैयाँ हुन आउँछ । यस विषयमा सत्ता गठबन्धनकै कतिपय मन्त्रीहरु नै असन्तुष्ट छन् ।
जसपाका संसदीय दलका नेता समेत रहेका ऊर्जा, जलस्रोत तथा खानेपानी मन्त्री हरिशरण आचार्यले सरकारको नीति तथा कार्यक्रम नै बहिस्कार गरे । उनले संसदमा नीति तथा कार्यक्रम पास भए पनि पत्रकार सम्मेलन गरी कार्यान्वयन हुन नदिने चेतावनी दिइसकेका छन् । विगतभन्दा यसपालि बजेटको आकार बढी भए पनि मुख्यमन्त्री र अर्थमन्त्रीको चलखेलले मन्त्रालयको सिलिङ झनै घटाइएको भन्दै उनीहरु असन्तुष्ट रहेका हुन् ।
सत्ता गठबन्धनका सांसदलाई टाउको गनेर बजेट
प्रदेश सभामा हाल सत्ता पक्षमा (सभामुखबाहेक) ३१ सदस्य छन् । तीमध्ये कांग्रेसका १५, माओवादी केन्द्रका १२ (सभामुखसहित), जनमोर्माका २, जसपा २ र स्वतन्त्र १ सदस्य सत्ता पक्षमा छन् । प्रतिपक्षमा एमालेका २६ सांसद छन् । ६० सदस्यीय प्रदेशसभामा जनमोर्चाका कृष्ण थापाको पद पार्टीले कारबाही गरेपछि स्वतः बर्खास्त भएकोमा पोखरा महानगरको मेयर लड्ने एमालेका कृष्ण थापाले राजीनामा दिएका थिए ।
बजेटका प्राथमिकता
गण्डकी सरकारले महिलालाई व्यावसायिक कृषिमा आकर्षित गर्न विशेष कार्यक्रम ल्याउने तयारी गरेको छ । महिलाको रोजगारी कृषिको जिम्मेवारी नारासहित बाँझो जमिन तथा अन्य जमिनमा महिलाले सामूहिक खेती गरेमा उनीहरुले गर्ने उत्पादनको आधारमा अनुदान दिने प्रणाली सुरु गर्ने तयारी प्रदेश सरकारको छ ।
हरेक वडामा कृषि तथा पशु प्राविधिक खटाएर उनीहरुमार्फत उत्पादनमा आएको वृद्धिका आधारमा प्राविधिकलाई पुरस्कृत गर्ने कार्यक्रम समेत आगामी आवको बजेटमा आउने भएको छ ।
पोखराको लेकसाइडस्थित रत्नमन्दिर र हिमागृहलाई सर्वसाधारणको अवलोकनका लागि खुला गर्ने सरकारको तयारी छ । कृषि पर्यटन प्रवद्र्धन गर्ने भनेको सरकारले कालिगण्डकी नदीमा जल यातायात सञ्चालन गर्ने कार्यक्रम बजेटमा राख्दैछ । निर्माणाधीन पोखरा अन्तर्राष्ट्रिय विमानस्थल सञ्चालनका लागि आवश्यक समन्वय र सहजीकरण गर्दै विमानस्थलदेखि फेवातालसम्म द्रुतमार्ग निर्माणको अध्ययन गर्ने कार्यक्रम बजेटमा राखिने भएको छ ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१