पोखरा । राष्ट्रिय प्रजातन्त्र पार्टी नेपालका अध्यक्ष कमल थापाले नेपालमा राजतन्त्रको पुनःस्थापना हुन नसक्ने बताएका छन् । पार्टीको गण्डकी प्रदेश कमिटीले सोमबार पोखरामा आयोजना गरेको पत्रकार सम्मेलनमा बोल्दै नेता थापाले राजतन्त्र पुनःस्थापना असम्भव एजेण्डा भएको दाबी गरे ।
पूर्व राजा ज्ञानेन्द्रप्रति व्यक्तिगत रुपमा आफ्नो कुनै दुश्मनी नरहेको भन्दै उनले आफूले विगतमा राजतन्त्रको एजेण्डा बोक्दा उनीबाट साथ नपाएको गुनासो गरे । २०६३ सालमा गणतन्त्र आएपछि आफूहरु अलपत्रजस्तो भएको भन्दै उनले सो समयमा आफूले राजाबाट सामान्य धन्यवादसम्म नपाएको बताए । ‘राजाले बोलाएर एक कप चिया पनि खुवाएनन्,’ उनले भने । राजाप्रति विगतमा राप्रपाले गुन लगाएको भन्दै उनले धन्यवाद र हौसला प्रदान गर्ने कुरा राजासमक्ष राख्दा ‘ए यस्तो पनि गर्नुपर्छ ?, ए हो र’ भनी प्रस्तुत भएको अध्यक्ष थापाले खुलासा गरे ।
राजाको शक्तिको कारण राप्रपा र राप्रपा नेपाल गठन नभएको भन्दै उनले नेपालमा गणतन्त्र आउनासाथ पूर्व पञ्चहरु एक ठाउँमा जम्मा हुन सकेको भए शक्तिशाली पार्टी गठन गर्न सकिने भनाइ पनि उनले राखे । राजाबाट सकात्मक प्रयास भएको भए नेपालमा राजतन्त्र पुनः स्थापना पनि हुन सक्ने थियो भन्दै उनले गद्दीबाट हटेपछि ज्ञानेन्द्रले लगातार दलहरुविरुद्ध विज्ञप्ति निकाल्दै आएको बताए । ‘विभिन्न अवसरमा निकालिएका उनका हरेक वक्तव्य दलहरुविरुद्ध लक्षित छन्,’ उनले भने । जनता र दलहरुलाई साथ नलिई नेपालमा राजतन्त्र फर्कने कल्पनै गर्न नसकिने भन्दै उनले विगतमा आफूले राजतन्त्रको अजेण्डा बोकेप्रति कुनै पश्चाताप नभएको पनि उनले बताए ।
सोही अवसरमा उनले गलत मानिसहरुको संलग्नताले २०७३ देखि २०७८ को विचमा राप्रपाभित्र निकै विकृति मौलाएको भनाइ राखे । आफूले सो समयमा गलत प्रवृत्ति र असहज मान्यतासँग सम्झौता गर्न पुगेको भन्दै जसबाट आफू पलायन रोज्ने कि, संघर्ष गरेर उठ्ने भन्ने अवस्थामा पुगेको सुनाए । ‘यस्तो अवस्थामा मैले दोस्रो बाटो रोजें,’ राप्रपा नेपाल गठन गर्नुको कारणबारे उनले प्रष्ट्याउन खोजे । गाई चिन्ह छाडेको र माओवादी नेता प्रचण्डसँग सहकार्य गर्न पुगेको भनी आफूलाई आफ्नै साथीहरुले सो समयमा गुनासो गरेको पनि नले सुनाए ।
‘केन्द्रमा एउटा बलियो सरकार र स्थानीय तहमा अहिलेको भन्दा बढी अधिकार सम्पन्न सरकार रहने गरी २ तहको संघीय संरचना उपयुक्त’
देशको धरातलीय यथार्थ र जनभावनालाई दृष्टिगत गरी राप्रपा नेपाल गठन गर्नु परेको पनि उनले बताए । नयाँ दल गठनको क्रममा पार्टीको मान्यता र अवधारणालाई पनि समायानुकुल परिमार्जन गरिएको र राष्ट्रियता, लोकतन्त्र र हिन्दू राष्ट्रको मान्यतामा आधारित सम्वद्र्धनवाद राप्रपा नेपालको वैचारिक दर्शन हुने उनले बताए । सम्वद्र्धनवाद नेपालको सन्दर्भमा साम्यवाद, समाजवाद र पूँजीवादको विकल्पमा देखा परेको वैचारिक मान्यता भएको उनले सुनाए । विगत १५ बर्षको अनुभवालई समेत दृष्टिगत गरी नेपाललाई पूर्ण धार्मिक स्वतन्त्रता र समानतासहितको हिन्दू राष्ट्र पुनःस्थापना गरिनुपर्छ भन्ने धारणा आफ्नो दलको भएको नेता थापाले बताए ।
हाल नेपालले अवलम्बन गरेको शासकीय स्वरुपमा सुधार गरी स्थिरता, समृद्धि र विकासका लागि प्रत्यक्ष निर्वाचित प्रधानमन्त्री कायम गर्ने प्रणाली उचित हुने भनाइ उनले राखे । ‘ हामीले अवलम्बन गर्दै आएको निर्वाचन प्रणालीमा कमिकमजोरी र विकृति तथा विसंगति देखिएको छ, निर्वाचनमा पैसाको ठूलो चलखेल हुने गरेको छ,’ उनले भने, सत्ता र शक्तिको दुरुपयोग हुने गरेको तितो यथार्थलाई दृष्टिगत गरी पूर्ण समानुपातिक निर्वाचन प्रणाली कायम गर्नुपर्छ भन्ने हाम्रो मान्यता छ ।
संघीयताको विषयमा बोल्दै उनले केन्द्रमा एउटा बलियो सरकार र स्थानीय तहमा अहिलेको भन्दा बढी अधिकार सम्पन्न सरकार रहने गरी २ तहको संघीय संरचना उपयुक्त हुने उनले बताए । प्रादेशिक संरचनाको आवश्यकता नभएको उनले सुनाए । आगामी चुनावमा राप्रपा नेपाल राष्ट्रिय दल बनाउने गरी आफूहरु अगाडि बढ्ने भन्दै उनले हिन्दू राष्ट्रको पुनःस्थापना, भ्रष्टाचार नियन्त्रण र वेरोजगारी समस्या समाधानमा जनपरिचालन र जनसंघर्षका कार्यक्रम पनि लगत्तै संचालन गरिने बताए । पार्टीका केन्द्रीय सदस्य सूर्य बास्तोलाले कार्यक्रम संचालन गरेका थिए ।
Related News
सम्बन्धित समाचार
एकीकृत सरकारी कर्मचारीको भित्तेपात्रो विमोचन तथा शुभकामना आदानप्रदान
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
अधिकारी सरकारको भविष्य के होला ? सर्वाेच्चमा सुनुवाइ आज
मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
चुमानलाई पहिलोपटक ढुकुटीको साँचो, मनाङे फेरि भौतिकमा
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१