स्पोर्टस् अवार्डलाई उपसमिति

आदर्श समाज सम्वाददाता
जेठ २९, २०७९
pokhara sports award 2

पोखरा । छैटौं पोखरा स्पोर्टस् अवार्ड–२०७८ तयारीका लागि विभिन्न उपसमिति गठन गरिएको छ । नेपाल खेलकुद पत्रकार मञ्च गण्डकीको शनिबार आयाजित भेलाले अवार्ड समारोह सफलतापूर्वक सम्पन्न गर्न विभिन्न उपसमिति गठन गरेको हो ।

सोको लागि मञ्चको अघिल्लो बैठकले अध्यक्ष दीननाथ बराललाई मूल आयोजक समिति संयोजक तोकेकोमा भेलाले सहसंयोजकमा उपाध्यक्ष सुरज श्रेष्ठलाई जिम्मेवारी दिएको छ ।

यस्तै, मञ्चका पूर्व अध्यक्ष विनोद लामिछानेको संयोजकत्वमा खेलाडी चयनका लागि प्रतिभा छनोट समिति गठन गरेको महासचिव राजाराम पौडेलले जानकारी दिए । समिति सहसंयोजकमा सन्देश श्रेष्ठ, सदस्यमा विजय नेपाल छन् । वर्ष उत्कृष्ट खेल पत्रकार छनोट समिति संयोजकमा पत्रकार महासंघका केन्द्रीय सदस्य त्रिभुवन पौडेल र सदस्यमा पत्रकार महासंघ कास्की अध्यक्ष विमला भण्डारी र सन्देश श्रेष्ठ छन् । दुवै समितिमा मञ्च अध्यक्ष दीननाथ बराल र महासचिव राजाराम पौडेल पदेनसदस्य हुने व्यवस्था छ ।

यस्तै, मञ्चका संस्थापक अध्यक्ष रामकृष्ण ज्ञवालीको संयोजकत्वमा अतिथि सत्कार उपसमिति, पूर्व अध्यक्ष केशव पाठकको संयोकजत्वमा वैदेशिक समन्वय उपसमिति गठन गरियो । वैदेशिक समन्वय समिति सहसंयोजकमा सुदर्शन रञ्जित तथा सदस्य उमेश पुन छन् । मञ्चका कोषाध्यक्ष कविता घर्ती मगरको संयोजकत्वमा आर्थिक व्यवस्थापन उपसमिति, सहसंयोजकमा एमवि आस्था मगर र सदस्यमा शशीकुमार पौडेल तोकिए ।

संघसंस्था समन्वय उपसमितिमा नारायण शाही तथा सहसंयोजक राजु गिरी छन् भने प्रचारप्रसार संयोजकमा महासचिव राजाराम पौडेल र सहसंयोजकमा सचिव शशीकुमार पौडेल छन् । कार्यक्रम व्यवस्थापन समिति संयोजक मन क्षत्री तथा सदस्यमा उमा आलेमगर र लक्ष्मी जिसी चयन भए । भिडियो तथा फोटो व्यवस्थापन उपसमिति संयोजक उमेश पुन र सहसंयोजकमा दीपक मुल्मी चयन भए । बाँकी उपसमिति छिट्टै गठन गरिने र उपसमितिलाई पूर्णता दिइने मञ्च अध्यक्ष बरालले बताए ।

आगामी असार १८ गते विश्व खेलकुद पत्रकार दिवसको दिन पोखरा सभागृह हलमा हुने अवार्ड समारोहमा विभिन्न ७ विधामा अवार्ड वितरण गरिनेछ ।

Related News

सम्बन्धित समाचार

  • अरुणा र प्रदीप वर्ष खेलाडी

    आदर्श समाज सम्वाददाता असार १८, २०७९
    पोखरा, १८ असार । भलिबल खेलाडी अरुणा शाही र टेनिसका प्रदीप खड्का वर्ष उत्कृष्ट खेलाडी घोषित भएका छन् । नेपाल खेलकुद…
  • पोखरा स्पोर्टस् अवार्ड आज

    आदर्श समाज सम्वाददाता असार १८, २०७९
    पोखरा । नेपाल खेलकुद पत्रकार मञ्च गण्डकीको आयोजनामा शनिबार छैटौं पोखरा स्पोर्टस् अवार्ड–२०७८ हुँदैछ । समारोहमा मञ्चले विभिन्न ७ विधामा…
  • एथलेटिक्स रेफ्री तथा निर्णायक सेमिनार

    आदर्श समाज सम्वाददाता असार १७, २०७९
    पोखरा । प्रदेश खेलकुद परिषद गण्डकीको आयोजनामा गण्डकी प्रदेश एथलेटिक्स खेललक्षित निर्णायकलाई रेफ्री तथा निर्णायक सेमिनार सुरु भएको छ ।…
  • पोखरा स्पोर्टस् अवार्ड तयारी पूरा

    आदर्श समाज सम्वाददाता असार १७, २०७९
    पोखरा । नेपाल खेलकुद पत्रकार मञ्च गण्डकीको आयोजनामा शनिबार छैटौं पोखरा स्पोर्टस् अवार्ड–२०७८ मा ७ विधामा अवार्ड प्रदान गरिने भएको…
  • भट्टराईलाई लाइफ टाइम अचिभमेन्ट अवार्ड

    आदर्श समाज सम्वाददाता असार १५, २०७९
    पोखरा । नेपाल खेलकुद पत्रकार मञ्च, गण्डकीले अग्रज खेलाडी गणेशबहादुर भट्टराईलाई लाइफ टाइम अचिभमेन्ट अवार्डबाट सम्मान गर्ने भएको छ ।…

hero news full width