पोखरा । स्टेप बाइ स्टेप मावि, मासबारमा कक्षा ९ र १० का विद्यार्थीबीच अंगे्रजी वक्तृत्वकला प्रतियोगिता भएको छ ।

प्रतियोगितामा विद्यालयका संस्थापक प्रिन्सिपल निर्मला बरालले वक्तृत्वकला व्यक्तित्व विकासको महत्वपूर्ण विषय भएको भन्दै सम्पूर्ण विद्यार्थीले यस्ता कार्यक्रममा भाग लिएर व्यक्तित्व विकास गर्ने हौसला दिए ।

संस्थापक निर्देशक रमाकान्त बरालले विद्यार्थी जीवनमा सिकेका वक्तृत्वकला जस्ता कुरा जीवनभर काम लाग्ने भएकाले भाग लिएर अगाडि बढ्न सुझाव दिए ।

प्रतियोगितामा समुह ‘ए’ बाट रोशनी पाठक प्रथम, कमलबहादुर क्षत्री र उन्नति बराल द्वितीय, अगत्स्य बस्याल तृतीय तथा करुणा सिरिस र सुदर्शन बराल सान्त्वना हुन सफल भए । समूह ‘बि’ बाट प्रकृति शर्मा, प्रकृति भण्डारी, प्रियांका शर्मा तथा चर्चा लामिछाने र प्राप्ति अधिकारी क्रमशः पहिलो, दोस्रो, तेस्रो र चौथो भए । विद्यालयका अंग्रेजी विभाग प्रमुख रुपेश पौडेल र लक्ष्मण भण्डारीले मूल्यांकन गरेको कार्यक्रमको सञ्चालन विज्ञान विभाग प्रमुख युवराज लामिछानेले गरेका थियो ।