पोखरा । शिक्षासेवी एवं खेलकुदकर्मी योगेन्द्रबहादुर बस्नेतको निधन भएको छ । उनको ७४ वर्षको उमेरमा काठमाडौंको मेडिसिटी अस्पतालमा बुधबार उपचारक्रममा निधन भएको हो ।

केही दिनअघि मात्रै उनको पित्तथैलीको शल्यक्रिया गरिएको थियो । पश्चिमाञ्चल क्षेत्रीय अस्पतालको नियमित उपचारपछि उनलाई अपरेसनका लागि काठमाडौं रेफर गरिएको थियो । परिवारजनका अनुसार उनमा उच्च रक्तचाप, पेनक्रियाज र आन्द्रामा रगत जम्ने समस्या थियो ।

तनहूँको शुक्लागण्डकी ३ स्थायी घर भइ हाल पोखरा अमरसिंह चोक निवासी बस्नेत जिल्ला शिक्षा अधिकारी हुँदै क्षेत्रीय शिक्षा निर्देशक भइ सेवा गरेका थिए । उनी खेलकुदकर्मी पनि थिए । नेपाल भूतपूर्व खेलाडी मञ्च तथा कास्की जिल्ला तेक्वान्दो संघ सल्लाहकार उनी २०१८ सालमा एथलेटिक्स खेलमा प्रवेश गरेका थिए । उनी छैटौं एसियन गेम्सका लागि समेत बन्द प्रशिक्षणमा बसेका थिए । बस्नेतका २ श्रीमती, २ छोरा र २ छोरी छन् ।