पोखरा । ‘छैटौं नेपाल आइस अन्तर्राष्ट्रिय हेमजा गोल्डकप आमन्त्रित नकआउट फुटबल प्रतियोगिता तयारी अन्तिम चरणमा पुगेको छ । हेमजा युनाइटेड आयोजनामा असार ४ देखि ११ सम्म गौरीशंकर खेल मैदानमा हुने प्रतियोगिता अन्तिम चरणमा पुगेको बिहीबार पत्रकार सम्मेलन गरी जनाइयो ।

कुल ८ टिमले भाग लिने प्रतियोगितामा उद्घाटन खेल आयोजक र वीरगञ्ज युनाइटेडबीच क्लब अध्यक्ष इन्द्रबहादुर कुँवरले बताए । दोस्रो खेल चर्च व्याइज एफसी र कालिका स्पोर्टस् एकेडेमी, तेस्रो खेल खुमलटार युवा क्लब र बागमती युवा क्लबबीच हुनेछ ।

क्वाटरफाइनल अन्तिम खेल असार ७ मा फुटबल क्लब डाउला र विभागीय टोली सशत्र प्रहरी बलको एपिएफबीच प्रतिस्पर्धा हुनेछ । विजेतालाई ६ लाख र उपविजेतालाई ३ लाखसहित सिल्ड, मेडल तथा प्रमाणपत्र प्रदान गरिनेछ ।

सर्वाेत्कृष्ट हुने खेलाडीले ट्रफीसहित ५० हजार प्राप्त गर्नेछ । विधागततर्फ उत्कृष्ट गोलरक्षक, मिडफिल्डर, स्ट्राइकर, डिफेन्डर र उदीयमान खेलाडीले ट्रफीसहित २० हजारबाट पुरस्कृत पाउनेछ । सर्वाधिक गोलकर्ताले २५ हजार, प्रत्येक खेलका म्यान अफ द म्याचले ५ हजारसहित ट्रफी प्राप्त गर्नेछन् ।

मोफसलका प्रतिष्ठत क्लब र ए डिभिजन क्लबको सहभागिता रहेको सो प्रतियोगिताको महत्वलाई मध्यनजर गर्दै आयोजकले न्युनतम प्रवेश शुल्क निर्धारण गरेको कार्यक्रम संयोजक इन्द्रप्रसाद त्रिपाठीले जानकारी दिए । प्रतियोगिताको नेपाल आइसले मुख्य प्रायोजन गरेको छ ।