पोखरा । रेन्वो एकेडेमिक होम्स्ले वडाका नवनिर्वाचित जनप्रतिनिधिलाई सम्मान, बधाई तथा शुभकामना ज्ञापन गरेको छ ।

पोखरा १५ का वडाध्यक्ष तोरणबहादुर बानियाँ, दलित महिला सदस्य एवं पोखरा महानगरपालिका कार्यपालिका सदस्य मन्दिरा परियार, महिला सदस्य सेतीमाया गुरुङ, सदस्य बलराम पौडेल र आशीष भण्डारीलाई विद्यालय व्यवस्थापन समिति अध्यक्ष सुशीलराज पराजुली, प्राचार्य बाबुराम बराल, सहप्राचार्य खेम ढकाल र विद्यालयकी शैक्षिक प्रमुख प्रेमा दर्शनासहित विद्यार्थीले सम्मान गरेका हुन् ।

कार्यक्रममा नवनिर्वाचित वडाध्यक्ष बानियाँले आफ्नो कार्यकालमा विद्यालयसँग मिलेर विभिन्न शैक्षिक गतिविधि सञ्चालन गर्ने जानकारी गराए । अफ्नो वडाका कुनै पनि बालबालिका शिक्षाको घामबाट वञ्चित हुन नदिने र छात्रवृतिमार्फत सबैलाई शिक्षाको पहुँच सरल र सहज बनाउने योजना रहेको उनले सुनाए ।

प्राचार्य बाबुराम बरालको सञ्चालन रहेको कार्यक्रमको अध्यक्षता विद्यालय व्यवस्थापन समिति अध्यक्ष सुशीलराज पराजुलीले गरेका थिए ।