पोखरा । स्वाभिमान बचत तथा ऋण सहकारी संस्थाले पाँचौं वार्षिकोत्सव मनाएको छ ।

वार्षिकोत्सव अवसरमा आयोजित समारोहमा सहकारी अध्यक्ष कमलबहादुर रेग्मीले शुभकामना मन्तव्य दिंदै सहकारीको समृद्धिका लागि प्रयास जारी राखेको बताए ।

नेपाल पत्रकार महासंघ कास्की अध्यक्ष एवं सहकारी उपाध्यक्ष बिमला भण्डारीले सहकारीले समुुदायमा सहकार्य गर्ने बानीको विकास गरेको बताइन् । उनले यसलाई प्रगतिको बाटोमा लैजान सबैको साथ र सहयोग आवश्यक रहने जनाइन् ।

सहकारी सल्लाहकार देवीबहादुुर थापाले कोभिडको कारणले सुुस्ताएको यस क्षेत्रलाई उठाउन सबै मिलेर लाग्नुुपर्ने बताए । कार्यक्रममा सहकारी सल्लाहकार कर्णेल कृष्णबहादुुर खत्री, पदमबहादुुर थापा, गणेशबहादुुर केसी, उर्मिला खड्का, ऋण सदस्य लालबहादुुर रेग्मी लगायतले शुुभकामना ब्यक्त गरेका थिए । कार्यक्रम संचालन सचिव साराबहादुुर पोखरेलले गरेका थिए ।

करिब ११ करोड लगानी रहेको सहकारीले पोखरा १७ बिरौटाबाट सेवा प्रदान गर्दै आएको छ । सहकारीमा ८ सय ४३ सेयर सदस्य छन् ।