पोखरा । महेन्द्र माध्यमिक विद्यालय पोखरा २० भलामको आयोजनामा विश्व वातावरण दिवसको अवसरमा विद्यालयको खाली जग्गामा वृक्षरोपण गरिएको छ ।

बाली विज्ञान विषय अध्ययनरत विद्यार्थीहरु, शिक्षक, विद्यालय व्यवस्थापन समितिको सक्रियतामा कारितास नेपाल फिल्ड कार्यालय कास्की, फलफूल नर्सरी व्यवसाय संघ कास्की, गोल्डेन नर्सरीको सहकार्यमा वृक्षरोपण गरेका हुन् ।

विद्यार्थीहरुले एभोकाडो, ओखर, धूपी, कपुर, निमका बिरुवा र सुन्तला, केरा, अनार, आँपका फलफूल आदिका बिरुवा वृक्षरोपण गरेका हुन् ।

फलफूल नर्सरी व्यवसाय संघ कास्कीका अध्यक्ष दिलबहादुर गुरुङ, कारितास नेपाल फिल्ड कार्यालयका प्रमुख शोभा आचार्य, फलफूल नर्सरी व्यवसाय संघ कास्कीका उपाध्यक्ष दयाकुमार द्वा, महेन्द्र माध्यमिक विद्यालयका कृषि प्रशिक्षक सन्तोष अधिकारी लगायतले बिरुवा रोप्नुमात्रै ठूलो काम नभएको भन्दै संरक्षण गर्नुपर्नेमा जोड दिए ।