पोखरा । लुम्बिनी विकास बैंकले अन्नपूर्ण केबुलकारमा आफ्ना ग्राहकलाई केबुलकार सेवामा छुट दिने सम्झौता गरेको छ ।

सम्झौतामा अनुसार लुम्बिनीले आफ्ना ग्राहकलाई डेबिट कार्ड तथा मोबाइल बंैकिङ सेवा प्रयोग गरि केबलकारको सेवा लिएवापत भुक्तानीमा १० प्रतिशत छुट प्रदान गर्ने छ । पोखराको सेदीदेखि सराङकोटसम्म सञ्चालनमा आएको केबुलकार पर्यटकको आकर्षक गन्तब्य बनेको कम्पनीले जनाएको छ ।

बैंकले देशका ७ वटै प्रदेशमा ८६ वटा शाखाहरुमार्फत कारोबार गर्दै आएको छ । निरन्तर सहयात्रा भन्ने नाराका साथ लुम्बिनी विकास बैंकले उच्चस्तरीय, आधुनिक एवं नवीनतम प्रविधिसहितको सुरक्षित बैंकिङ सेवा प्रदान गर्दै आएको जनाएको छ ।

ग्राहकलाई अधिकतम प्रतिफल दिने उद्देश्यले बैंकले मुद्दती खातामा मासिकरुपमा ब्याज प्रदान गर्ने विशेष योजनासमेत कार्यान्वयनमा ल्याएको बैंकका प्रमुख कार्यकारी अधिकृत नरेशसिंह बोहराले जानकारी दिए ।