पोखरा । ला ग्रान्डी इन्टरनेसनल कलेजमा वार्षिक खेलकुद कार्यक्रम सुरु भएको छ । कलेजका बिसिए, बिबिए तथा बिपिएच कार्यक्रमका विभिन्न सेमेस्टरका विद्यार्थीबीच हुने गरी तीनदिने वार्षिक खेलकुद सुरु भएको हो ।

कलेजका प्रिन्सिपल इ. किरण केसीले रेफ्रीलाई बल हस्तान्तरण गरी कार्यक्रम उद्घाटन गरेका हुन् । कार्यक्रममा छात्रा तथा छात्रतर्फ फुटसल, भलिबल, बास्केटवल, ब्याडमिण्टन, टेबलटेनिस र चेस खेल खेलाइने छ । समापनमा विजेता, उपविजेता, सर्वाधिक स्कोरर तथा बेस्ट प्लेयरलाई पुरस्कार, मेडल, ट्रफी तथा प्रमाणपत्र प्रदान गरिने कलेजका प्रशासक ज्ञानेन्द्र पौडेलले बताए ।

बिबिए कार्यक्रम संयोजक सुरज गौडेलले खेलले विद्यार्थीको सर्वाङ्गीण विकास गर्ने भएकोले उत्साहित भएर खेल्न सुझाव दिए । कलेजमा हाल ३ संकायमा करिब ६ सय विद्यार्थी पढ्छन् ।