हेमजा । विश्व वातावरण दिवसको उपलक्ष्यमा पोखरा ५ स्थित हिलसाइड अंग्रेजी स्कुलले वातावरणसम्बन्धी सचेतनामूलक कार्यक्रम सञ्चालन गरेको छ ।

विद्यालयले कक्षा ६ देखि १० सम्मका विद्यार्थी तथा शिक्षक सहभागी गराई स्थानीय गोलचौतारा, प्रगति टोल, एकलधारामार्गका प्ले कार्डसहित सडकमा सरसफाइ गरेको हो । त्यस्तै विद्यालय प्राङ्गणमा फलफूलका बिरुवा पनि रोपिएको छ ।

विद्यार्थीमा वातावरणसम्बन्धी शिक्षा तथा व्यावहारिक ज्ञान दिन सकेमात्र दिवसले सार्थकता पाउने उद्देश्यका साथ यो दिवस मनाइएको शिक्षक सन्तोष लामिछानेले जानकारी दिए । त्यस अवसरमा अधिकांश प्लास्टिक र गुट्खाका खोलहरु संकलन गरिएको छ ।