पोखरा । रामबजार युथ क्लबले आफ्नो नवौं वार्षिकोत्सव अवसरमा खुला रक्तदान कार्यक्रम गरेको छ । कार्यक्रममा ३४ युनिट रगत संकलन भयो ।

गण्डकी प्रदेशका उपसभामुख सिर्जना शर्माले पहिलो रक्तदाता शंकर नेपालीलाई ब्लडब्याग हस्तान्तरण गरी कार्यक्रम उद्घाटन गरेकी थिइन् । उनले क्लबले युवालाई विकृति र विसंगतिबाट मुक्त गराइ सामाजिक सेवामा लाग्न प्रेरित गरेको बताइन् । यसको अनुशरण अन्य संघसंस्था तथा क्लबले पनि गरेमा सभ्य समाज निर्माण हुने बताइन् ।

कार्यक्रममा पोखरा १० का सदस्य पूर्णचन्द्र न्यौपाने, रामबजार युथ क्लबका सल्लाहकार रामबहादुर गुरुङ, रामबजार सोसाइटी युकेका भूपू अध्यक्ष रुपक गुरुङ, रामबजार सोसाइटी युकेका सल्लाहका डा.चन्द्रबहादुर गुरुङ, कृष्ण मन्दिर सञ्चालक समिति अध्यक्ष ज्ञानबहादुर थापा, ज्येष्ठ नागरिक मिलेन केन्द्रका अध्यक्ष क्या. थमन थापा, ज्येष्ठ नागरिक मिलेन केन्द्रका निवर्तमान अध्यक्ष भूपेन्द्र कुँवर, माछापुच्छे« आमा समूहकी माया गुरुङ लगायतको सहभागिता थियो ।

कार्यक्रममा पोख्रेली ट्याक्सी सेवा प्रालिका सञ्चालक सदस्य विकास थापा र रामबजार ट्याक्सी सेवा प्रालि संयोजक झकवीर थापाले आर्थिक सहयोग गरेको क्लब अध्यक्ष धनबहादुर पुनले जानकारी दिए ।