पोखरा । होटल प्रतिनिधि समाज पोखरा अध्यक्षमा सन्तकुमार महतो निर्वाचति भएका छन् । उनी यसअघि पनि अध्यक्ष थिए ।

शनिबार समाजको २४ औं साधारण सभा तथा १२ औं अधिवेशनले महतोको अध्यक्षतामा १५ सदस्य नयाँ कार्यसमिति सर्वसम्मत चयन गरेको छ । कार्यकाल २ वर्षको हुनेछ ।

संस्थाको वरिष्ठ उपाध्यसक्षमा सन्तोष काफ्ले, प्रथम उपाध्यक्ष हरिलाल शर्मा तिमिल्सिना, द्वितीय उपाध्यक्ष जीवराज उपाध्याय चयन भए । महासचिवमा माधव लम्साल, सचिव सन्तोष देवकोटा, कोषाध्यक्ष पुरुषोत्तम न्यौपाने, सहकोषाध्य दीपेन्द्र अर्याल चुनिए । सदस्यमा केशव नेपाली, शम्भुप्रसाद पौडेल, खेमानन्द अर्याल, शिवप्रसाद अधिकारी, नीरज अधिकारी, प्रविन बिक र विकास दाहाल निर्वाचित भएको निर्वाचन अधिकृत अधिवक्ता नारायणप्रसाद पौडेलले जानकारी दिए ।

अधिवेशन उद्घाटन गर्दै पश्चिमाञ्चल होटल संघ पोखरा अध्यक्षसमेत रहेका समाजका सल्लाहकार लक्ष्मण सुवेदीले पोखरालाई पर्यटनको राजधानी घोषणा गर्न नेपाल सरकारलाई आग्रह गरे ।

होटल प्रतिधिनि प्रत्यक्षरुपमा पर्यटकका दूत भएकाले पोखरालाई कस्तो पर्यटकीय क्षेत्र बनाउनेमा होटल प्रतिनिधिको महत्वपूर्ण भूमिका हुने भएकोले होटल संघ हातेमालो गर्दै अघि बढ्ने सुनाए । कोभिड १९ ले पर्यटनमा पारेको असरबारे सरकारबाट कुनै सहयोग नपाएको गुनासो गर्दै संघ र प्रदेश सरकारसँग पर्यटन व्यवसायीका लागि हित हुने नयाँ योजना ल्याउन आवाज उठाउने प्रतिबद्धता व्यक्त गरे ।

संस्थाका पूर्व अध्यक्ष तथा पोखरा ६ का वडा सदस्य दीपेन्द्र पहारीले होटल प्रतिनिधिहरु पर्यटकका राजदूत भएकाले पोखराको बारेमा पर्यटकलाई सकारात्मक सन्देश दिन आग्रह गरे ।

अध्यक्ष महतोको अध्यक्षतामा भएको कार्यक्रममा निवर्तमान अध्यक्ष राजकुमार गुरुङ, महासचिव माधव लम्साल, सल्लाहकार रामचन्द्र आचार्य, कोषाअध्यक्ष पुरुषोत्तम न्यौपाने र कार्यक्रम संयोजक सन्तोष काफ्ले लगायतले आफ्नो भनाइ राखेका थिए । कार्यक्रममा संस्थाका महासचिव माधव लम्सालले प्रगति प्रतिवेदन र कोषाअध्यक्ष पुरुषोत्तम न्यौपानेले आर्थिक प्रतिवेदन पेस गरेका थिए ।