पोखरा । लखन बचत तथा ऋण सहकारी संस्थाले अवलोकन भ्रमण गरेको छ । सहकारीद्वारा आयोजित भ्रमणमा सञ्चालक समितिका १५ जना सदस्यको सहभागिता थियो । भ्रमण टोलीले बेगनास तालमा रहेको मत्य अनुसन्धान केन्द्रमा पुगेर माछापालनसम्बन्धी जानकारी हासिल गरेको संस्थाका अध्यक्ष पूर्णबहादुर रानाले बताए । उनले आगामी दिनहरुमा सहकारीको उत्पादनमूलक कार्यमा लगानी गर्ने सोच रहेकाले यस्ता भ्रमण फलदायी हुने विश्वास व्यक्त गरे ।

यस अघि सहकारीका सदस्यहरुले बागलुङका विभिन्न स्थानहरुमा अवलोकन भ्रमण सम्पन्न गरिसकेको उनले जानकारी दिए । यसैबीच सञ्चालक समितिका पदाधिकारीले मौरीपालन, बंगुरपालन, ड्रयागन खेतीलगायत कृषिजन्य उत्पादनका लागि विभिन्न स्थानको भ्रमणसमेत सम्पन्न गरिसकेको छ । भ्रमणबाट सिकेका कुरालाई व्यवहारमा उतार्न काम पनि भइरहेको अध्यक्ष रानाले बताए ।