पोखरा । लायन्स क्लब अफ पोखरा सेन्ट्रल गार्डनले लायन वर्ष २०२२/२३ लाई सभ्य र भव्य बनाउने उद्देश्यका साथ निर्वाचित अध्यक्ष आनन्द पौडेलले आफ्ना पाइला बढाएका छन् । क्लबले नयाँ सदस्य सम्मान तथा लायन वर्ष २०१७/१८ का डिस्ट्रिक गभर्नर तथा नवनिर्वाचित महानगर प्रमुख धनराज आचार्यलाई बधाई ज्ञापन एकैसाथ गरेको हो ।

कार्यक्रमका प्रमुख अतिथि जोन चियर पर्सन नारायण कोइरालाले नयाँ सदस्य फर्सबहादुर बिसी, अमीत बाटाजु र जमुना खड्कालाई सम्मान गर्दै क्लबको सामाजिक सेवाको भावले प्रेरित भएर आफू लायनमा लागेको बताए ।

कार्यक्रममा अध्यक्ष सुब्बा घिमिरेले निर्वाचित अध्यक्ष आनन्द पौडेल र सचिव सुजित बिजुक्छेले निर्वाचित सचिव प्रमोद रानाभाटलाई माइन्युट हस्तान्तरण गरेका थिए ।

कार्यक्रममा क्लबका संस्थापक अध्यक्ष हरि भाट, पूर्व अध्यक्ष मीना रानाभाट, कृष्ण रानाभाट, असफल गौतम, सुब्बा घिमिरे, प्रथम उपाध्यक्ष तुल रानाभाट, द्वितीय उपाध्यक्ष सुजित बिजेक्छु, सचिव प्रमोद रानाभाट, पब्लिक रिलेसन अफिसर लाल रानाभाटलगायतले बोलेका थिए ।