हेमजा । हेमजास्थित गौरीशंकर बचत तथा ऋण सहकारीको छैंटौ विशेष वाषिकोत्सव तथा निर्वाचन कार्यक्रम भएको छ । भेलाले रुद्रनाथ पौडेलको अध्यक्षतामा नयाँ कार्यसमिति चयन गरेको छ । समितिको उपाध्यक्ष खड्कबहादुर कार्की, सचिव घनश्याम तिम्सिना, कोषाध्यक्ष विष्णुप्रसाद पौडेल, सहसचिव कृष्णबहादुर थापा चयन भए । सदस्यहरु बलबहादुर कुँवर, इन्द्रप्रसाद त्रिपाठी, रामचन्द्र सुवेदी, सरस्वती थापा, कमला शर्मा र श्रीमाया लामिछाने छन् ।

भेलाले टीकाराम बास्तोलाको संयोजकत्वमा दलबहादुर कुँवर र सुजन कार्की सदस्य रहेको लेखा सुपरिवेक्षण समिति पनि गठन गरेको छ । अधिवक्ता माधवराज बास्तोला संयोजक तथा डिल्लीराम दाहाल र महेश्वर दवाडी सदस्य रहेको निर्वाचन मण्डलले सर्वसम्मत समिति चयन गरेको हो ।

हेमजाका नवनिर्वाचत वडाध्यक्ष मोतीलाल तिम्सिना तथा सदस्यहरु कृष्णबहादुर कुँवर, धनकुमारी पोख्रेल तिम्सिना, तारा विश्वकर्मा र सुवास भण्डारीलाई बधाई तथा शुभकामना दिँदै सम्मान पनि गरियो।

त्यस अवसरमा प्रमुख अतिथि वडाध्यक्ष तिम्सिना, संस्थाका सल्लाहकारद्वय डवलबहादुर कुँवर र नेत्रपाणि भण्डारी, सेयर सदस्यद्वय महेश्वर दवाडी र अप्सरा तिम्सिनालगायतले बोलेका थिए । संस्थाका कार्यकारी अधिकृत डम्बरसिंह बस्नेतले संस्थाको आर्थिक तथा व्यवस्थापकीय गतिविधि प्रस्तुत गरे ।

संस्थाका अध्यक्ष केशवशरण पौडलले आफ्नो कार्यकालमा साथ सहयोग दिने सबैप्रति धन्यवाद प्रकट गरे ।

नवनिर्वाचित अध्यक्ष रुद्रनाथ पौडलले धन्यवादसहित सहकारी प्रदेशस्तरीय भएको जनाउँदै सबैको साथ सहयोगमा आगामी दिनमा सहकारी सञ्चालन गर्ने प्रतिबद्धता जनाए ।

संस्थाका अध्यक्ष पौडेलको अध्यक्षतामा भएको कार्यक्रममा उपाध्यक्ष खड्कबहादुर कार्कीले स्वागत, सहसचिव दलबहादुर कुँवरले सहकारीका ७ सिद्धान्त वाचन तथा सचिव घनश्याम तिम्सिनाले कार्यक्रम सञ्चालन गरे ।