सुत्केरीलाई पोषण भत्ता दिइने

आदर्श समाज सम्वाददाता
जेठ १५, २०७९
pokhara ward 26

पोखरा । पोखरा वडा २६ का नवनिर्वाचित वडाध्यक्ष नरेन्द्र थापाले सुत्केरी पोषण भत्ता र दिवा सेवा केन्द्रमा खाजाको व्यवस्था गर्ने निर्णय गरेका छन् ।

शुक्रबार पदभार ग्रहण गर्दै उनले सुरूआति कार्यक्रममा वडाका सुत्केरीको लागि पोषण भत्ताबापत २ हजार र दिवा सेवा केन्द्रमा निशुल्क खाजा व्यवस्था गर्ने निर्णयसँगै सेवा सुरुआत गरेका हुन् । उनले अबका दिनमा वडाका काममा जनताले कुनै पनि विषयमा समस्या झेल्नु नपर्ने र हरेक काममा पारदर्शिता र जतिसक्दो सेवासुविधा व्यवस्था मिलाउने बताए ।

कार्यक्रममा निवर्तमान वडाध्यक्ष नारायण बरालले अबको जनप्रतिनिधिले अधुरा कामको पूरा गर्न र नयाँ काममा सक्रिय सहभागिता रहोस् भनी शुभकामना दिए ।

एमाले नेता एवं वडाध्यक्षका प्रत्यासि सूर्यनाथ भण्डारीले सबैको मन जितेर अगाडि बढ्न नवनिर्वाचित जनप्रतिनिधिलाई सुझाव दिए । कार्यक्रममा नारायण लामिछाने, वडासचिव मीना भट्टराईले बोलेका थिए ।

स्थानीय तह निर्वाचनबाट पोखरा २६ मा नेपाली कांग्रेसको प्यानल नै निर्वाचित भएको हो । जसमा वडाध्यक्ष नरेन्द्र थापासहित महिला महिला सदस्य लक्ष्मी भट्टराई, दलित महिला सदस्य सुजता बराल सुनार र खुाल सदस्य तीर्थ राजभाट र सुदीपराज ढुंगाना निर्वाचित भएका हुन् ।

Related News

सम्बन्धित समाचार

  • पशु प्रजनन् तालिम

    आदर्श समाज सम्वाददाता असार १६, २०७९
    पोखरा । नेपाल पशु स्वास्थ्य सेवा प्राविधिक संघ (नेल्टा) ले स्वरोजगारका लागि युवालाई पशु प्रजनन् तथा कृत्रिम गर्भाधान तालिम दिएको…
  • मगर सांस्कृतिक संघमा सरिता

    आदर्श समाज सम्वाददाता असार १६, २०७९
    पोखरा । नेपाल मगर सांस्कृतिक संघ, कास्कीको तेस्रो जिल्ला अधिवेशनबाट अध्यक्षमा सरिता सारू मगर पुनःनिर्वाचित भएकी छन् । अधिवेशनबाट उपाध्यक्षमा…
  • पोखरामा विद्यालयस्तरीय नृत्य प्रतियोगिता

    आदर्श समाज सम्वाददाता असार १६, २०७९
    पोखरा । पोखरा महानगरपालिका शिक्षा महाशाखाद्वारा आयोजित विद्यालयस्तरीय एकल नृत्य प्रतियोगिताको दोस्रो चरण जनप्रिय माविमा सम्पन्न भएको छ । प्रतियोगितामा…
  • हेमजामा असारे रोपाइँ महोत्सव

    आदर्श समाज सम्वाददाता असार १६, २०७९
    हेमजा । मानो खाएर मुरी उब्जाउने महिना हो, असार । त्यसैले अचेल कृषक धानखेती लगाउन बिहानदेखि बेलुकासम्म खेतमै व्यस्त हुने…
  • सिर्जनामा विविध क्रियाकलाप

    आदर्श समाज सम्वाददाता असार १५, २०७९
    पोखरा । सिर्जना आवासीय माविमा अतिरिक्त क्रियाकलापअन्तर्गत शुक्रबार युवा रेडक्रस सर्कल सिर्जना आवासीय माविको व्यवस्थापनमा पूर्व प्रावि तहदेखि कक्षा १०…

hero news full width