पूर्वपदाधिकारीलाई सुविधा दिन लागिएपछि पाँचदलीय गठबन्धनबाटै विरोध

विजय नेपाल
जेठ १४, २०७९
gandaki ministry office

पोखरा, १४ जेठ । गण्डकी प्रदेश सरकारले प्रदेशका पूर्वपदाधिकारीलाई सुविधा उपलब्ध गराउन लागेपछि पाँचदलीय गठबन्धनले विरोध जनाएको छ ।

शनिबार विज्ञप्ति जारी गर्दै जनताका आधारभूत आवश्यकता सम्बोधन गर्दै विकास निर्माण कामलाई प्रभावकारी रुपमा अगाडि बढाउनुपर्नेमा कुनै पनि नाममा सेवासुविधा थप गर्ने कार्य उचित नभएको गठबन्धनले जनाएको छ । सुविधा र सुरक्षा उपलब्ध गराउन कानुनी मस्यौदाका लागि गठित कार्यदलसमेत तत्काल भंग गरी जनपक्षीय काममा केन्द्रित हुन समेत माग गरिएको छ ।

पाँचदलीय गठबन्धनतर्फबाट नेपाली कांग्रेस कास्की सभापति किशोरदत्त बराल, माओवादी केन्द्र कास्की संयोजक बखानसिंह गुरुङ, जसपा कास्की अध्यक्ष गिरीप्रसाद गुरुङ, नेकपा (एकीकृत समाजवादी) कास्की उपसचिव पूर्ण लामा र राष्ट्रिय जनमोर्चा कास्की अध्यक्ष रविमोहन ढकालले संयुक्त विज्ञप्ति जारी गरेका हुन् ।

गण्डकी सरकारले पूर्व मुख्यमन्त्री, मन्त्रीहरूसहित प्रदेशसभाका सभामुख, उपसभामुख, दलका नेता, प्रमुख सचेतक लगायतलाई सुविधा दिने गरी कानुन निर्माण गर्न लागेको हो । गत जेठ १२ को मन्त्रिपरिषद् बैठकले गरेको निर्णयबमोजिम सोको लागि ३ सदस्यीय समिति गठन गरेको छ । समितिमा बैठक तथा प्रशासन महाशाखाका सचिवको संयोजकत्वमा अर्थ मन्त्रालय र कानुन मन्त्रालयका सचिव सदस्य छन् । सो समितिले पूर्वपदाधिकारीलाई कस्तो सुविधा दिने भन्ने यकिन गर्ने गरेर कानुन बनाउने सरकारका प्रवक्ता कुमार खड्काले बताए ।

उनका अनुसार सो सुविधा प्रदेश सरकार र प्रदेशसभाका दुवैले पाउने छन् । अहिलेसम्म भने पूर्व मुख्यमन्त्रीको हैसियतमा सुविधा दिइएको छैन । गण्डकीमा नेपाली कांग्रेस नेतृत्वको सरकार छ । मुख्यमन्त्री कृष्णचन्द्र नेपाली पोखरेल नेतृत्वको सरकारमा सर्वाधिक १२ सदस्यीय मन्त्रिमण्डल गठित छ । गत वर्ष जेठ २९ मा कांग्रेस संसदीय दलका नेता कृष्णचन्द्र नेपाली पोखरेललाई तत्कालीन प्रदेश प्रमुख सीताकुमारी पौडेलले संविधानको धारा १६८ (५) बमोजिम मुख्यमन्त्री नियुक्ति गरेकी थिइन् । नियुक्तिको केही समयमै पूर्व मुख्यमन्त्रीलाई सेवासुविधा तोक्नेबारे चौतर्फी आलोचनापछि सरकार पछि हटेको थियो ।

हेर्नुहोस् विज्ञप्तिः

Related News

सम्बन्धित समाचार

  • संस्कृत शिक्षाको आकर्षण बढ्दै छ : जगन्नाथ रेग्मी

    आदर्श समाज सम्वाददाता असार १६, २०७९
    डा.जगन्नाथ रेग्मी पोखरा–१ भीमकालीपाटनमा रहेको विन्दुवासिनी संस्कृत विद्यापीठका प्राचार्य हुन् । यो विद्यापीठले झण्डै तीन दशकदेखि संस्कृत विषय केन्द्रित गरी…
  • पुतलीबजार नगरपालिकाको पहिलो निर्णय नै खारेज

    आदर्श समाज सम्वाददाता असार १६, २०७९
    पोखरा । पुतलीबजार नगर कार्यपालिकाको पहिलो बैठकले शिक्षा ऐन संशोधन गर्ने निर्णय अन्ततः अदालतले कार्यान्वयन नगर्न÷नगराउन आदेश जारी गरेको छ…
  • एमाले माग्यो गण्डकीका मुख्यमन्त्रीको राजीनामा

    विजय नेपाल असार १५, २०७९
    पोखरा, १५ असार । गण्डकी प्रदेशसभामा बजेटमाथि छलफल रोकेर सत्तागठबन्धनले संसदलाई अनिर्णयको बन्दी बनाएको भन्दै निकासको लागि नेकपा (एमाले) ले…
  • बूढीगण्डकी कम्पनी मोडलमा बनाउने सरकारी निर्णय

    आदर्श समाज सम्वाददाता असार १५, २०७९
    पोखरा । पटक–पटक राजनीतिक दाउपेचमा परेर १२ वर्षसम्म निर्माण अन्योलमा रहेको १२ सय मेगावाटको बूढीगण्डकी जलाशययुक्त जलविद्युत् आयोजना बनाउन सरकारले…
  • लाम्पाटा–दरबाङ सडक आयोजना अलपत्र

    साधन राम्जाली असार १५, २०७९
    म्याग्दी । बेनी–दरबाङअन्तर्गत लाम्पाटा–दरबाङ सडकखण्ड अलपत्र परेको छ । आयोजनाको ठेक्का लिएका निर्माण व्यवसायी बेपत्ता हुँदा जिल्लाको ३ पालिकालाई जोड्ने…

hero news full width