इमानदारितापूर्वक काम गर्न पौडेलको आग्रह

आदर्श समाज सम्वाददाता
जेठ १२, २०७९
congress samman

पोखरा । नेपाली कांग्रेसका वरिष्ठ नेता रामचन्द्र पौडेलले स्थानीय तह जनताको प्रत्यक्ष सरकार भएकाले जनभावनाअनुरुप कार्यसम्पादन गर्न नवनिर्वाचित स्थानीय तहका पदाधिकारीलाई आग्रह गरेका छन् ।

कांग्रेस गण्डकी प्रदेश कार्यसमितिद्वारा बुधबार नवनिर्वाचित प्रमुख तथा उपप्रमुखको सम्मानमा आयोजित बधाई तथा शुभकामना कार्यक्रममा जनताले दिएको जिम्मेवारीलाई इमानदारिताका साथ पूरा गर्न उनले आग्रह गरे ।

नेता पौडेलले लोकतन्त्रको रक्षा, राजनीतिक स्थिरता, सुशासनका लागि गठबन्धन आवश्यकता भएको बताए । गठबन्धनका परिणाम सकारात्मक देखिएकाले आगामी प्रदेश तथा संघीय निर्वाचनसम्म नै गठबन्धनलाई अझै बलियो बनाएर लैजानु पर्ने बताए ।

कांग्रेसका केन्द्रीय सदस्य एवं गण्डकी प्रदेशका मुख्यमन्त्री कृष्णचन्द्र नेपाली पोखरेलले जनतालाई केन्द्रमा राखेर नवनिर्वाचित जनप्रतिनिधिले काम गर्नुपर्नेमा जोड दिए । कांग्रेस गण्डकी प्रदेश सभापति शुक्रराज शर्माले प्रत्येक नवनिर्वाचित जनप्रतिनिधिले आफ्नो कार्यकाललाई जनताले आशा एवं भरोसा गर्ने किसिमको बनाउनुपर्नेमा जोड दिए । आफ्ना पालिकाहरूमा अन्यका लागि पनि उदाहरणीय बन्ने गरी काम गर्न उनले आग्रह गरे ।

कार्यक्रममा कांग्रेस गण्डकी प्रदेश कार्यसमितिका उपसभापति मेखलाल श्रेष्ठ, महामन्त्रीद्वय विष्णुप्रसाद लामिछाने र किरणबाबु श्रेष्ठ, कांग्रेस बाग्लुङका सभापति जीत शेरचनलगायतले जनताले दिएको जिम्मेवारीलाई इमानदारिताका साथ बहन गर्दै काम गर्नुपर्नेमा जोड दिए । उक्त अवसरमा नेपाल सरकारका पूर्व मुख्य सचिव डा.सोमलाल सुवेदी र पूर्व सचिव वावुराम आचार्यले नवनिर्वाचित जनप्रतिनिधिलाई आफ्ना कार्य अनुभवसहित गर्न सकिने कामहरू लगायत विषयमा प्रशिक्षण दिए ।

Related News

सम्बन्धित समाचार

  • तनहुँ सम्पर्क समाज पोखराको पदस्थापना

    आदर्श समाज सम्वाददाता असार १८, २०७९
    पोखरा । तनहुँ सम्पर्क समाज पोखराको पदस्थापना बिहीबार भएको छ । सातौं साधारण सभा तथा अधिवेशनबाट निर्वाचित पदाधिकारी तथा कार्यसमिति…
  • विद्यालयलाई फर्निचर सहयोग

    आदर्श समाज सम्वाददाता असार १८, २०७९
    पोखरा । साना किसान विकास लघुवित्त वित्तीय संस्था लि. इलाका कार्यालय पोखरा र ग्रामीण स्वाबलम्बन साना किसान कृषि सहकारी, अर्जुनचौपारीको…
  • लेखनाथ उद्योग वाणिज्य संघमा वक्तृत्वकला

    आदर्श समाज सम्वाददाता असार १८, २०७९
    लेखनाथ । लेखनाथ उद्योग वाणिज्य संघले आफ्नो रजत वर्षका अवसरमा शुक्रबार विद्यालयस्तरीय वक्तृत्वकला प्रतियोगिता गरेको छ । रजत वर्ष विविध…
  • मेयर आचार्यद्वारा नगर विकासमा पदभार

    आदर्श समाज सम्वाददाता असार १८, २०७९
    पोखरा । पोखरा महानगरपालिकाका प्रमुख धनराज आचार्यले पोखरा उपत्यका नगरविकास समितिको अध्यक्षको समेत पदभार ग्रहण गरेका छन् । सहिदचोकस्थित कार्यालयमा…
  • पोखरा–३३ मा ल्यान्डफिल्ड साइट राख्ने निर्णय खारेजीको माग

    रासस असार १७, २०७९
    गण्डकी । पोखरा महानगरपालिकाले वडा नं ३३ भरतपोखरीमा ल्यान्डफिड साइट राख्ने तयारी गरिरहेको भन्दै स्थानीयवासीले त्यसको विरोध जनाएका छन् ।…

hero news full width