पोखरा, १० जेठ । पोखराको स्थागित भएको मतगणना पुनः सुरुआत भएको छ । ७ घण्टासम्म स्थगित भएको गणना सहमतिपछि पुनः संचालन भएको हो ।
पोखरा वडा १८ मा खसेको मत र गणना भएको मत समान नभएपछि नेकपा एमालेले पुनः गणना माग गर्दै निवेदन दिएपछि गणनास्थलबाट प्रतिनिधि फिर्ता बोलाउँदै आन्दोलन थालेको थियो । त्यसपछि पोखरा २२, ३२ र ३३ को जारी मतगणनासमेत ७ घण्टासम्म रोकिन पुगेको थियो ।
पोखरा १८ को निवेदनमा कार्यालय गम्भीर रहेको र यस विषयमा थप कारवाहीका लागि कार्यालय प्रतिवद्ध हुने सहमतिपछि पुनः मतगणना सुचारु हुने भएको मुख्य निर्वाचन अधिकृत श्रीकृष्ण भट्टराईले जनाएका थिए । पोखरा १८ को हकमा निवेदन परिसकेपछि कानुनी प्रक्रियामा जाने उनको भनाइ थियो । अहिले पोखरा २२, ३२ र ३३ को गणना सुचारु भएको हो ।
अहिलेसम्म पोखराका १ लाख ३९ हजार ४ सय ११ मतगणना भएको छ । पोखरामा १ लाख ४३ हजार २ सय २६ मत खसेको थियो । अब ३ हजार ८ सय १५ मत गणना गर्न बाँकी रहेको छ ।
१ लाख ३९ हजार ४ सय ११ मत गन्दासम्म मेयरमा धनराज आचार्य ५ हजार ४ सय ८५ मतान्तरले अघि छन् । आचार्यले ५७ हजार ७२ ल्याउँदा एमालेका कृष्ण थापाले ५१ हजार ५ सय ८७ मत पाए ।
उपमेयरमा एमालेकी मञ्जुदेवी गुरुङले ५९ हजार ७० मत र नेपाली कांग्रेसकी कोपिला रानाभाटले ५५ हजार ८० मत पाएकी छन् ।
Related News
सम्बन्धित समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
hero news full width
मुख्य समाचार
रोजगार खोज्दै मेलामा
कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१