पोखराको स्थगित मतगणना अझै सुरु भएन

आदर्श समाज सम्वाददाता
जेठ १०, २०७९
vote.

पोखरा, १० जेठ । मेयर र उपमेयर जीत सुनिश्चित भइसकेको पोखरामा स्थगित मतगणना ६ घण्टादेखि यथावत् छ । पोखरा वडा १८ मा खसेको मत र गणना भएको मत समान नभएपछि नेकपा एमालेले पुनः गणना माग गर्दै निवेदन दिएपछि गणना नै स्थगित भएको हो ।

पोखराका कुल ३३ वटा वडामध्ये ३० वटाको अन्तिम परिणाम सार्वजनिक भइसकेको छ । यद्यपि पोखरा २२, ३२ र ३३ को गणना जारी रहेकै अवस्थामा एमालेले पोखरा १८ को पुनःमतगणना हुनुपर्ने अडान राख्दै उसका प्रतिनिधिले मतगणनास्थल नै छोडेका हुन् ।

एमाले पुनः मतगणना माग गरेपछि नेपाली कांग्रेस पोखरा वडा १ र १७ पनि पुनः मतगणनाको माग गरेको छ । पोखरा १ र १७ मा भने नेकपा एमालेले चुनाव जितेको थियो ।

विवाद समाधानका लागि अहिले सर्वदलीय बैठक बसिरहेको छ । सहिदचोक क्षेत्रमा भने सत्ता गठबन्धनले तत्काल मतपरिणाम सार्वजनिक गर्न माग गर्दै नाराबाजी गरिरहेका छन् ।

पोखरा १८ मा निर्वाचित वडाध्यक्ष शिव तिमिल्सिना लगायतले जनप्रतिनिधिले भने अबिरजात्रा गरिसकेका छन् । पोखरा वडा १८ मा नेपाली कांग्रेसका शिव तिमिल्सिना मात्र ३ मतअन्तरले निर्वाचित भएका हुन् । उनले ४ हजार ६ सय ४३ मत ल्याएकोमा उनका निकटतम् प्रतिस्पर्ध नेकपा एमालेका पुष्कलबहादुर थापाले १ हजार ६ सय ४० मत ल्याएका हुन् । ३० वैशाखको स्थानीय तह निर्वाचनमा सो वडामा ४ हजार ३ सय ४८ मत खसेको थियो । तर गणनामा भने ९ मत कम भएकोले पुनः मतगणना हुनुपर्ने माग आफूहरुको रहेको एमाले पोखरा महानगर कमिटी अध्यक्ष दिलीप न्यौपानेले बताए ।

पोखरा महानगरपालिकाको मेयरमा एकीकृत समाजवादीका धनराज आचार्य र उपमेयरमा नेकपा एमालेकी मञ्जुदेवी गुरुङ जीत सुनिश्चित छ ।

Related News

सम्बन्धित समाचार

  • अरुणा र प्रदीप वर्ष खेलाडी

    आदर्श समाज सम्वाददाता असार १८, २०७९
    पोखरा, १८ असार । भलिबल खेलाडी अरुणा शाही र टेनिसका प्रदीप खड्का वर्ष उत्कृष्ट खेलाडी घोषित भएका छन् । नेपाल खेलकुद…
  • खानेपानीमा इ–कोली जीवाणु भेटियो

    आदर्श समाज सम्वाददाता असार १८, २०७९
    लमजुङ । जिल्लाका ४ नगरपालिकामा वितरण हुने खानेपानीमा इ–कोलीका जीवाणु फेला परेका छन् । यसले लामखुट्टेबाट सर्ने रोगको भय देखिएको…
  • कटुस पनि किनेर खान्छन् नेपाली

    रासस असार १७, २०७९
    काठमाडौं । नेपाल कसरी परनिर्भर बन्दै गएका छन् भन्ने एउटा सामान्य उदाहरणका रूपमा लिन सकिन्छ नेपालमा भइरहेको कटुसको आयात ।…
  • न्यायिक ज्ञान लिन उपप्रमुखहरु पोखरामा

    धनबहादुर गुरुङ असार १७, २०७९
    पोखरा । हरिनास गाउँपालिका उपप्रमुख इन्द्रकुमारी थापा रानालाई सुझबुझपूर्वक इन्साफ दिन्छु भन्ने दृढ विश्वास छ । पालिकाको न्यायिक समिति निवेदन…
  • समितिको बैठकमा सभापतिमात्रै !

    आदर्श समाज सम्वाददाता असार १७, २०७९
    पोखरा । गण्डकीको अर्थ तथा विकास समितिले अर्थमन्त्री समेतको उपस्थितिमा संसदको गतिरोध अन्त्यका लागि बिहीबार छलफल आयोजना गरेको थियो ।…

hero news full width