होटल संघ गण्डकीमा हरि शर्मा

आदर्श समाज सम्वाददाता
जेठ १०, २०७९
HAN Gandaki

पोखरा । होटल संघ नेपाल (हान) गण्डकी गठन गरिएको छ । संस्थाको अध्यक्षमा पुराना पर्यटन व्यवसायी हरिप्रसाद शर्मा गैह्रे निर्विरोध निर्वाचित भए । गण्डकी प्रदेश ११ जिल्लाका होटल संघका अध्यक्षहरुको भेलाले शर्मालाई अध्यक्ष चुन्दै नयाँ कार्यसमिति चयन गरेको हो । होटल संघ पोखरा नेपालका पूर्व अध्यक्ष एवं सल्लाहकार शर्मा होटल पोखरा भिलेजका संचालक पनि हुन् ।

प्रदेशको प्रथम बोर्ड बैठक नाम दिइएको भेलाले भरतराज पराजुलीलाई प्रथम उपाध्यक्षको जिम्मेवारी दिएको छ । पराजुली हानका केन्द्रीय सदस्य एवं होटल संघ पोखरा नेपालका पूर्व अध्यक्ष एवं सल्लाहकार पनि हुन् । यसैगरी प्रदेश कमिटीको द्वितीय उपाध्यक्षमा तनहुँका पुराना होटल व्यवसायी राजकुमार श्रेष्ठलाई चयन गरिएको छ । गोरखाका व्यवसायी मनप्रसाद धितालले सचिवको जिम्मेवारी पाएका छन् भने पर्वतका होटल व्यवसायी कृष्णप्रसाद श्रेष्ठ कोषाध्यक्षमा चयन भए ।

समिति सदस्यमा होटल संघ पोखरा नेपालका अध्यक्ष लक्ष्मण सुवेदी, बागलुङका अध्यक्ष सञ्जयकुमार श्रेष्ठ, म्याग्दीकी अध्यक्ष सिर्जना भट्टचन, तनहुँका अध्यक्ष जीवन शाही, नवलपुरका अध्यक्ष डिबी चौधरी र लमजुङका अध्यक्ष रामकुमार श्रेष्ठ छन् । स्याङ्जा, मुस्ताङ र मनाङबाट पनि समितिमा छिटै प्रतिनिधित्व गराइने नवनिर्वाचित अध्यक्ष गैह्रेले जानकारी दिए ।

कार्यक्रममा सबै पदाधिकारी र सदस्यहरुले व्यवसायिक एकतामा जोड दिएका थिए । होटल क्षेत्रले उद्योग सरहको मान्यता पाउनुपर्ने, पर्यटकको संख्याभन्दा गुणस्तरमा ध्यान दिनुपर्ने, प्रबद्र्धनको कामलाई अगाडि बढाउनुपर्ने उनीहरुको जोड छ ।

नवनिर्वाचित अध्यक्ष गैह्रेले सबै जिल्लाका सबै होटल संघ र सम्बन्धित व्यवसायीलाई समेटेर सबैको सल्लाह र सुझावअनुसार नै प्रदेश कमिटी अगाडि बढ्ने भनाइ राखे । हानका केन्द्रीय सदस्य विप्लव पौडेलले प्रदेश कमिटी गठन गर्न केन्द्रबाट पाएको जिम्मेवारी आफूले पूरा गरेको भन्दै नयाँ कमिटीलाई बधाई ज्ञापन गरेका थिए ।

Related News

सम्बन्धित समाचार

  • विदेशमा देखिएको सपनामा रमाउँदै पर्यटक

    धनबहादुर गुरुङ असार १४, २०७९
    पोखरा । बेलायत बस्दै आएका भीमाद ५, मिछुर्लुङका महेन्द्र आले २०७२ सालमा आफ्नो गाउँमा होमस्टे सञ्चालन हुँदा औधी खुसी थिए…
  • गाउँलेलाई भिटोफको गाइड तालिम

    आदर्श समाज सम्वाददाता असार ६, २०७९
    पोखरा । पर्वत जिल्लाको मोदि गाँउपालिका १ लौसिबोटमा दुइदिने भिलेज टुर गाइड (गाउँले गाइड) तालिम हालै सम्पन्न भएको छ ।गाउँ…
  • पोखरालाई पर्यटीय राजधानी बनाउन परिषद्को सुझाव

    आदर्श समाज सम्वाददाता असार ६, २०७९
    पोखरा। पोखरा पर्यटन परिषदको तर्फबाट पोखरा महानगरपालिकाका प्रमुख धनराज आचार्यलाई पर्यटन लक्षित विकासका लागि सुझावहरु दिएको छ । पर्यटकीय शहर…
  • पर्यटनमा बजेटका वाचा सधैं अपुरा

    रूपनारायण ढकाल असार ४, २०७९
    पोखरा । गण्डकी प्रदेश अर्थ मन्त्रालयले हरेक आर्थिक वर्षका लागि प्रस्तुत गर्ने बजेटमा समेटिएका अधिकांश कार्यक्रम कार्यान्वयन नहुने समस्या देखिएको…
  • जम्मु कस्मिरमा डुलुवा टोलीको पत्रकार भेटघाट

    आदर्श समाज सम्वाददाता जेठ ३०, २०७९
    पोखरा । पोखराको प्रचारप्रसार गर्दै पश्चिम नेपालसहित भारतका विभिन्न सहरको भ्रमणमा निस्किएको पोखरेली डुलुवा टोली भारतको जम्मु कस्मिरमा पुगेको छ…

hero news full width