पोखरा । पोखरा महानगरपालिकाको मेयर पदमा गठबन्धनका तर्फबाट नेकपा एकीकृत समाजवादीका उम्मेदवार धनराज आचार्यले अग्रता कायम राखेका छन् । आचार्यले नेकपा एमालेका उम्मेदवार कृष्ण थापासँगको मतान्तर ३ हजार ४ सय ३७ मतले अगाडि छन् । १ लाख १२ हजार ५ सय ८० मत गणना हँुदा आचार्यले ४५ हजार २७ मत प्राप्त गरेर अग्रता कायम राखेका छन् । उनलाई एमालेका कृष्ण थापाले ४१ हजार ५ सय ९० मत ल्याएर पछ्याइरहेका छन् । राप्रपाका शंकर खरालले ४ हजार ९ सय ८७ मत ल्याउँदा स्वतन्त्र उम्मेदवार लौरो चिन्हका खड्कराज पौडेलले २ सय ७ सय ५९ प्राप्त गरे ।

नेकपा एमालेकी उम्मेदवार मञ्जुदेवी गुरुङले अग्रता फराकिलो बताउँदै लगेकी छन् । मञ्जुले ४७ हजार ३ सय २४ मत ल्याएकी छन् भने नेपाली कांग्रेसकी कोपिला रानाभाटले ४४ हजार ९ सय ६४ मत ल्याइन् । मञ्जुले कोपिलालाई २ हजार ३ सय ६० मतले उछिनेकी छन् । राप्रपाकी रञ्जना सेनले ४ हजार ९ सय २७ मत प्राप्त गरेकी छन् । अब पोखरामा ३० हजार ६ सय ४६ मत गणना गर्न बाँकी छ ।

पोखरा अहिले सम्म २४ वटा वडाको मतगणना सकिएको छ । जसमा वडा नम्बर १, २, ३, ४, ५, ६, ७, ८, ९, १०, १२, १३, १४, १५, १६, २०, २३, २४, २५, २६, २७, २८, २९ र ३० को मतगणना सकिएको छ । जसमा नेपाली कांग्रेसले २, ३, ४, ७, ९, १०, १२, १३, १४, १६, २३, २४, २५, २६, २७, २८ र ३० मा विजय हासिल गरेको छ भने नेकपा एमालेले १, ५, ६, ८, १५, २० र २९ वडामा विजयी हासिल गरेको छ । अहिले पोखरा ११, १७, १८, १९, २१, २२, ३१, ३२ र ३३ को मतगणना जारी छ ।

थप १०, १६, २९ र ३० नम्बर वडाको टुंगो

पोखरा महानगरपालिका वडा नम्बर १० मा कांग्रेस उम्मेदवारहरु विजयी भएका छन् । वडाध्यक्षमा कांग्रेस उम्मेदवार राजेश गुरुङले १ हजार ८ सय ४९ मतसहित विजयी भएकी छन् । एमाले उम्मेदवार पवित्रादेवी गुरुङले ९ सय ८३ मत ल्याए ।

यसैगरी, खुला सदस्यतर्फ कांग्रेस उम्मेदवार परमेश्वरबहादुर कार्कीले १ हजार ६ सय ७८ र पूर्णचन्द्र न्यौपानले १ सय ६ सय ४३ मत प्राप्त गर्दै विजयी भए । एमाले उम्मेदवार कुमार थिङले ९ सय ४४ र शान्ति सुवेदीले ९ सय २५ मत ल्याए ।

नेकपा एमालेका मेयर प्रत्यासी कृष्ण थापाको वडा नम्बर १६ मा नेपाली कांग्रेस विजयी भएको छ

त्यस्तै, महिला सदस्यमा कांग्रेस उम्मेदवार नरदेवी गुरुङले १ हजार ६ सय ७६ ल्याउँदा एमालेकी उम्मेदवार सीमाराईले १ हजार सय २५ मत ल्याएकी छन् । दलित महिला सदस्यमा कांग्रेस उम्मेदवार सुनीमाया सार्कीले १ हजार ७ सय १२ र एमाले उम्मेदवार शान्ति देवी परियारले १ हजार २७ मत प्राप्त गरेकी छन् । वडा नम्बर १० मा ५ हजार ६ सय ७५ जना मतदाता रहेकोमा ३ हजार ४ सय ७५ मत खसेको थियो ।

नेकपा एमालेका मेयर प्रत्यासी कृष्ण थापाको वडा नम्बर १६ मा नेपाली कांग्रेस विजयी भएको छ । उक्त वडाको वडाध्यक्षमा नेपाली कांग्रेसका अमृत शर्मा तिमिल्सिना विजयी भएका हुन् । तिमिल्सिनाले नेकपा एमालेका प्रत्यासी राजेश गुरूङ राजुुलाई १ सय ४८ मतान्तरले पराजित गरेका हुन् । तिमिल्सिनाले ३ हजार ३ सय १८ मत पाउँदा गुरूङले ३ हजार १ सय ७० मत पाएका छन् । पोखरा १६ को सदस्यमा सबै नेकपा एमालेबाट विजयी भएका छन् । खुल्ला सदस्य रामकाजी गुरुङ र रामचन्द्र आचार्य महिला सदस्यमा राजकुमारी बानियाँ र दलित महिला सदस्य मञ्जु नेपाली विजयी भएका छन् ।

पोखरा २९ को वडा अध्यक्षमा नेकपा एमालेका उम्मेद्वार श्रीप्रसाद गुरुङ विजयी भएका छन् । उनले नेपाली कांग्रेसका सुदेव गुरुङलाई हराए । श्रीप्रसादले सुदेवलाई ३ सय ७५ मतान्तरले पराजित गर्दै विजयी भए । विजयी श्रीप्रसादले २ हजार ६२ मत प्राप्त गरे भने पराजित सुदेवले १ हजार ६ सय ७४ मत प्राप्त गरे । खुला सदस्यमा कालीदास पोख्रेल, क्षेत्रबहादुर गुरुङ, महिला सदस्यमा निर्मला पौडेल र दलित महिला सदस्यमा सुकमाया विश्वकर्मा विजयी भए ।

पोखरा महानगरपालिका वडा नम्बर ३० को वडा अध्यक्षमा नेपाली कांग्रेसका उम्मेद्वार दुर्गाप्रसाद सुवेदी, विजयी भएका छन् । उनल नेकपा एमालेका उम्मेद्वार सोमनाथ बास्तोलालाई १ सय ७९ मतले हराए । सुवेदीले १ हजार ५ सय ४१ मत प्राप्त गरे भने बास्तोलाले १ हजार ३ सय ६२ मत प्राप्त गरे । खुला सदस्यमा नवराज मंगलकाजी मानन्धर, विनोदप्रसाद लामिछाने, महिला सदस्यमा नेकपा एमालेकी भीमकुमारी पुन गर्बुजा र महिला दलित सदस्यमा उमा परियार विजयी भए ।