पाेखरा । पोखरा महानगरपालिकामा एमालेबाट मेयर उम्मेदवार रहेका कृष्णबहादुर थापाकै वडामा नेकपा एमालेका उम्मेदवारलाई पराजित गर्दै कांग्रेसका उम्मेदवार विजयी भएका छन् ।

पोखरा महानगरपालिका १६ को वडाध्यक्षमा नेपाली कांग्रेसका अमृत शर्मा तिमिल्सिना विजयी हुँदा एमाले उम्मेदवार राजेश गुरुङ १ सय ४८ मतले पराजित भएका हुन् । तिमिल्सिनाले ३ हजार ३ सय १८ मत प्राप्त गर्दा  गुरुङले ३ हजार १ सय ७० मत ल्याए । वडा सदस्यमा भने चारै जना एमालेबाट आएका छन् ।