पाेखरा।  भरतपुर महानगरपालिकाको मेयरमा नेकपा माओवादी केन्द्रकी रेणु दाहालले ७ हजार ३१४ मतको अग्रता बनाएकी छन्। ८८ हजार २८४ मत गणना गर्दा दाहालले ३४ हजार ६८४ मत प्राप्त गरेकी छन्।

उनका निकटम प्रतिद्वन्द्वी नेकपा एमालेका विजय सुवेदीले २७ हजार ३७० मत प्राप्त गर्दा स्वतन्त्र उम्मेदवार जगन्‍नाथ पौडेलले ११ हजार७२० मत प्राप्त गरेका छन्।

उपमेयरमा नेपाली कांग्रेसका चित्रसेन अधिकारीले ३६ हजार ८९३ मत प्राप्त गर्दा राप्रपा उम्मेदवार हिमला गुरुङले २१ हजार ६२१ मत प्राप्त गरेकी छन्।

अहिले वडा नम्बर १८ र १९ को मत गणना भइरहेको छ। १९ नम्बर वडामा ११०२ मत गणना हुँदा कांग्रेसका वडाध्यक्षका उम्मेदवारले ३८७ मत प्राप्त गर्दा एमाले उम्मेदवारले ६५४ मत प्राप्त गरेका छन्।

वडा नम्बर १८ मा ३८१५ मतगणना हुँदा कांग्रेसका वडाध्यक्ष उम्मेदवारले १५ हजार मत प्राप्त गर्दा एमाले उम्मेदवारले १६ हजार ६७ मत प्राप्त गरेका छन्।