अमेरिका ।   युएस-नेपाल पोलिसी रिसर्च सेन्टरको सातौं वार्षिक सम्मेलन ” नेपालको बिद्यालय शिक्षामा सुधार : स्थानीय र विश्वव्यापी दृष्टिकोण ” विषयमा केन्द्रित विमर्शका साथ शनिबार सम्पन्न भएको छ । कार्यक्रममा शिक्षाविद डा. विद्यानाथ कोइराला, डा. पार्वती ढुंगाना र डा. कटक मल्लको प्रस्तुतीकरण रहेको थियो ।

कार्यक्रममा गण्डकी प्रदेशका शिक्षा मन्त्री मेखलाल श्रेष्ठले संघीय नेपालको संरचनामा के कसरी काम गर्न खोजिदै छ भन्ने बारेमा मन्तव्य राखे ।

सेन्टरका अध्यक्ष डा. राजन पन्तको सभापतित्वमा भएको कार्यक्रममा संस्थाको कामका बारेमा डा. देशराज संयोक, र हिजोको अनुभव र भोलिको बाटोको बारेमा संस्थापक अध्यक्ष डा. आमोद पोख्रेलले प्रकाश पारे । कार्यक्रम सञ्चालन जगदम्वा अधिकारी र तरुण पौडेलले गरेका थिए ।

विज्ञहरुको प्रस्तुति र प्रश्न उत्तर, छलफल शैलीमा कार्यक्रम भएको थियो ।

संथाको संरचना, नयाँ नेतृत्व, भावी कार्यक्रमहरुका बारेमा ६ महिना भित्र शृखलाबद्ध छलफल गरी तय हुने सहमति भएको  छ ।

युएस-नेपाल पोलिसी रिसर्च सेन्टर अमेरिकामा ७ वर्षदेखि नेपाल र नेपाली सम्बन्धी विषयहरुमा नीति र अनुसन्धान क्षेत्रमा क्रियाशील रहँदै आएको छ ।