पोखरा । नेपाल अडिटर्स एसोसियसन (अडान) गण्डकी प्रदेश समितिको छैटांै प्रदेश अधिवेशनले पदमबन्धु पोखरेलको अध्यक्षतामा १८ सदस्यीय कार्यसमिति चयन गरेको छ ।

अडानका केन्द्रीय महासचिव झलकमणि लम्सालको संयोजकत्वमा बनेको ३ सदस्यीय निर्वाचन समितिले निर्वाचन गराएको नव निर्वाचित सचिव पदम जिसीले जानकारी दिए ।

नेपाल चार्टर्ड एकाउन्टेन्ट संस्थाका परिषद् सदस्य तथा समितिका अध्यक्ष केशबहादुर केसीको अध्यक्षतामा भएको कार्यक्रम अडानका केन्द्रीय अध्यक्ष मोहनराज रेग्मीले उद्घाटन गरेका थिए ।

समितिका सचिव पदमबन्धु पोखरेलले सञ्चालन गरेको कार्यक्रममा अडान केन्द्रीय समितिका वरिष्ठ उपाध्यक्ष केदारनाथ पौडेल, केन्द्रीय समिति सल्लाहकार सूर्यप्रसाद अधिकारी र माधवप्रसाद पराजुली, उपाध्यक्ष चन्द्रबहादुर थापा, सदस्य चन्द्रबहादुर सुवेदी र महासचिव झलकमणि लम्सालले बोलेका थिए ।