सौन्दर्य प्रतियोगिता नाममा बलात्कार प्रकरणः आरोपित पाण्डे पक्राउ

आदर्श समाज सम्वाददाता
जेठ ७, २०७९
manoj pande

पोखरा, ७ जेठ । सुन्दरी प्रतियोगितामा भाग लिएकी किशोरीलाई जबर्जस्ती करणी गरेको अभियोगमा घटना भएको भनिएको ८ वर्षपछि मोडल ग्लोबल भिसाज कन्सल्टेन्सीका सञ्चालक मनोज पाण्डे पक्राउ परेका छन् ।

काठमाडौं उपत्यका अपराध अनुसन्धान कार्यालयको प्रहरी टोलीले शनिबार बिहानैदेखि उनलाई निगरानीमा राखेकोमा दिउँसो पक्राउ गर्न सफल भएको जनाएको छ । ८ वर्षअघि मिस ग्लोबल इन्टरनेसनल–२०१४ मा भाग लिएकी १६ वर्षीया किशोरीलाई बलात्कार गरेको उनीमाथि आरोप छ । आफूमाथि बलात्कार भएको भन्दै उनले केही दिनअघि भिडिओमार्फत घटना सार्वजनिक गरेकी थिइन् ।

यसबारे कांग्रेस नेता एवं सांसद गगनकुमार थापाले तत्काल छानविन थालेर दोषीमाथि कारबाही प्रक्रिया अघि बढाउन सरकारलाई निर्देशन दिन आग्रह गरेका थिए । यसरी संसदमा समेत कुरा उठेको र सभामुखले रूलिङ गर्दै घटनाको छानविन गरी सत्यतथ्य पत्ता लगाउन र दोषीलाई कारबाही गर्न निर्देशन दिए । निर्देशनपछि प्रहरी प्रधानकार्यालयले काठमाडौं उपत्यका अपराध अनुसन्धान कार्यालयका प्रमुख वसन्त कुँवरको नेतृत्वमा छानविन समिति गठन गरेको थियो ।

मिस ग्लोबल प्रतियोगितामा आफू पनि छानिएपछि आयोजक कन्सल्टेन्सीका सञ्चालक पाण्डेले आफूलाई सक्सेस पार्टीका लागि भन्दै काठमाडौं एभरेस्ट होटलमा बोलाएर झुक्याएर लेमोनेड खुवाएर बलात्कार गरेको युवतीको आरोप छ । पाण्डेले त्यसपछि लगातार ६ महिनासम्म आफूलाई बलात्कार गरेको युवतीको भनाइ छ ।

तर जबर्जस्ती करणीसम्बन्धी कसूरमा उजुरीका लागि १ वर्ष हदम्याद हुन्छ । यसैले पनि कानुनी कारबाही अघि बढाउन जटिलता देखिएको प्रहरीले बताएको थियो । जबरजस्ती करणीको मुद्दामा हदम्याद हटाउन माग गर्दै युवायुवतीले स्वतः स्फूर्तरुपमा भेला भएर प्रधानमन्त्रीको सरकारी निवास बालुवाटार अगाडि धर्नासमेत दिएका छन् । पोखरा, झापालगायत विभिन्न सहरमा पनि शनिबार ती युवतीको न्यायका लागि भन्दै प्रदर्शन भएका छन् ।

Related News

सम्बन्धित समाचार

  • अरुणा र प्रदीप वर्ष खेलाडी

    आदर्श समाज सम्वाददाता असार १८, २०७९
    पोखरा, १८ असार । भलिबल खेलाडी अरुणा शाही र टेनिसका प्रदीप खड्का वर्ष उत्कृष्ट खेलाडी घोषित भएका छन् । नेपाल खेलकुद…
  • खानेपानीमा इ–कोली जीवाणु भेटियो

    आदर्श समाज सम्वाददाता असार १८, २०७९
    लमजुङ । जिल्लाका ४ नगरपालिकामा वितरण हुने खानेपानीमा इ–कोलीका जीवाणु फेला परेका छन् । यसले लामखुट्टेबाट सर्ने रोगको भय देखिएको…
  • कटुस पनि किनेर खान्छन् नेपाली

    रासस असार १७, २०७९
    काठमाडौं । नेपाल कसरी परनिर्भर बन्दै गएका छन् भन्ने एउटा सामान्य उदाहरणका रूपमा लिन सकिन्छ नेपालमा भइरहेको कटुसको आयात ।…
  • न्यायिक ज्ञान लिन उपप्रमुखहरु पोखरामा

    धनबहादुर गुरुङ असार १७, २०७९
    पोखरा । हरिनास गाउँपालिका उपप्रमुख इन्द्रकुमारी थापा रानालाई सुझबुझपूर्वक इन्साफ दिन्छु भन्ने दृढ विश्वास छ । पालिकाको न्यायिक समिति निवेदन…
  • समितिको बैठकमा सभापतिमात्रै !

    आदर्श समाज सम्वाददाता असार १७, २०७९
    पोखरा । गण्डकीको अर्थ तथा विकास समितिले अर्थमन्त्री समेतको उपस्थितिमा संसदको गतिरोध अन्त्यका लागि बिहीबार छलफल आयोजना गरेको थियो ।…

hero news full width