पोखरा । पोखरा महानगरको अघिल्लो चुनावमा दुइतिहाइ वडा जितेको नेकपा एमालेलाई यसपालि विगतको विरासत जोगाउनै मुस्किल परेको छ । यसपालिको स्थानीय तह चुनावअन्तर्गत ५ दिनदेखि जारी मतगणनाको पछिल्लो परिणामले त्यही संकेत गर्छ ।
महानगरका कुल ३३ वटा वडामध्ये हालसम्म १२ वटा वडाको अन्तिम परिणाम सार्वजनिक भइसकेको छ । तीमध्ये एमालेले वडा १, ५ र ६ जित्दा बाँकी वडा नेपाली कांग्रेसलाई सुम्पिएको छ । २०७४ सालमा एमालेले २२ वडा जित्दा कांग्रेसको पक्षमा ११ वटा वडा भागमा परेको थियो । एक्लै चुनावमा होमिएको एमालेले विगतमा जितेको वडासमेत गुमाउन बाध्य भयो । उसले विगत जितेका वडा १ र ५ को विरासत जोगाए पनि वडा ६ कांग्रेसबाट खोसेको छ । यस्तै, कांग्रेसले यसपालि जितेका ९ वटा वडामध्ये २, ३, ४, १२ र २३ पहिले पनि जितेका वडा हुन् । वडा १३, २४, २५ र २६ भने एमालेबाट खोस्यो ।
पोखरा १ मा एमालेबाट वडाध्यक्ष उम्मेदवार सहारा प्रधान निर्वाचित भए । उनले कांग्रेसकी सीता गुरुङलाई ४१ मात्र मतान्तरले पराजित गरे । सदस्यतर्पm महिला सदस्य शोभा नेपाल, दलित महिला सदस्य जुममाया दमाई, सदस्यमा जुमकाजी गुरुङ र रामजीप्रसाद पौडेल निर्वाचित भए ।
पोखरा २ मा कांग्रेसका दिवशमान प्रधानाङ्गले एमालेका दीपक शाहलाई २ सय ७८ मतले पराजित गरे । उनले ९ सय ३९ मत प्राप्त गर्दा शाहले ६ सय ६१ ल्याए । प्यानल नै जितेको कांग्रेसको वडा सदस्यमा गौतम बिछुक्छे, भीमकुमारी आले, गोमा सुवेदी र सुनिता बिक निर्वाचित भए ।
पोखरा ३ मा कांग्रेसका प्रकाशमान उदास निर्वाचित भएका हुन् । उनले १ हजार १ सय ४ र एमालेका विष्णुशंकर ख्वाउजु ६ सय १६ ले मत पाए । महिला सदस्यमा शान्तिदेवी पराजुली, दलित महिला सदस्य सवि परियार, खुला सदस्यमा नवीन आलेमगर र सनकमान सिके विजयी भए ।
पोखरा ४ मा कांग्रेसका देवकृष्ण पराजुलीको प्यानल निर्वाचित भयो । एमालेबाट वडाध्यक्षका उम्मेदवार मदन मुल्मीलाई ६७ मतअन्तरले पछि पार्दै देवकृष्णले जीत हात पारेका हुन् । महिला सदस्यमा पार्वती माकाजु, दलित महिला सदस्य विष्णुमाया परियार, खुला सदस्यमा प्रकाश सरोज कोइराला र सञ्जयकुमार श्रेष्ठ निर्वाचित भए ।
पोखरा ५ वडाध्यक्षमा एमालेका विष्णु बरालको प्यानल नै निर्वाचित भयो । बरालले १ हजार ९ सय ७२ मत प्राप्त गरे । उनका प्रतिस्पर्धी कांग्रेसका प्रमोद कोइरालाले १ हजार १ मत मात्र प्राप्त गरे । महिला सदस्य कल्पनाकुमारी थापा, दलित महिला सदस्य हरिमाया विक, खुला सदस्य गोविन्दप्रसाद पराजुली र मणिराम बराल निर्वाचित भए ।
पोखरा ६ मा एमालेका विष्णुबहादुर भट्टराई विजयी भएका छन् । उनले यसअघिका वडाध्यक्ष कांग्रेसका उम्मेदवार जगतबहादुर पहारीलाई पराजित गरेका हुन् । वडा सदस्यमा बासु बराल, दीपेन्द्र पहारी, पवित्रा थापा र शोभा जलारी निर्वाचित भए ।
पोखरा १२ मा कांग्रेसका सन्तोष बास्तोला ७२ मतान्तरले विजयी भए । उनले एमालेका देशभक्त केसीलाई हराए । बास्तोलाले १ हजार १ सय ८५ मत ल्याउँदै निर्वाचित हुँदा १ हजार १ सय १३ मत ल्याए । वडा सदस्यमा गोविन्दप्रसाद सिग्देल, सन्तबहादुर थापा, महिला सदस्यमा शान्ति कोइराला र दलित महिला सदस्य गुमादेवी परिवार विजयी भए ।
पोखरा १३ वडाध्यक्षमा कांग्रेसका किरण बराल विजयी भए । उनले एमालेका वसन्तराज बराललाई पराजित गरेका हुन् । महिला सदस्यमा सुचिता तामाङ, दलित महिला सदस्यमा रजनी परियार, खुला सदस्यमा बलबहादुर परियार र सरिफ अलि मियाँ निर्वाचित भए ।
पोखरा २३ मा कांग्रेसका रामकाजी गुरुङले विजयी भए । उनले एमालेका शिवलाल पराजुलीलाई पराजित गरे । महिला सदस्यमा शान्ति शर्मा, दलित महिला सदस्यमा रीता सुनार, खुला सदस्यमा धनबहादुर गुरुङ र चेतबहादुर क्षत्री विजयी भए ।
पोखरा २४ मा एमालेका रामचन्द्र थापालाई हराउँदै कांग्रेसका भरतबहादुर अधिकारी विजयी भए । महिला सदस्यमा सरस्वती त्रिपाठी, महिला दलित सदस्यमा मैयाँ नेपाली, खुला सदस्यमा कृष्णप्रसाद सुवेदी र रेशम सुवेदी विजयी भए ।
पोखरा २५ मा कांग्रेसका मोतिलाल तिम्सिना विजयी भए । उनले नेकपा एमालेका तिर्थबहादुर थापालाई हराए । खुला सदस्यमा एमालेका कृष्णबहादुर कुँवर, सुवाष भण्डारी, महिला सदस्य धनकुमारी पोखरेल र दलित महिला सदस्य तारा विश्वकर्मा विजय भए ।
पोखरा २६ मा कांग्रेसका नरेन्द्र थापा विजयी भए । उनले एमालेका सूर्यनाथ भण्डारीलाई हराए । महिला सदस्यमा लक्ष्मीदेवी भट्टराई, दलित महिला सदस्यमा सुजना बराल सुनार, खुला सदस्यमा तीर्थबहादुर राजभाट र सुदीपराज ढुंगाना निर्वाचित भए ।