‘राजकुमार कसरी बुद्ध बने ?’

आदर्श समाज सम्वाददाता
जेठ १, २०७९
buddha 2

पोखरा । कपिलवस्तुको लुम्बिनीमा राजकुमार सिद्धार्थको जन्म भएको थियो । राजमहलको सुख सुविधामा हुर्केका उनी दरबार बाहिर भ्रमणमा निस्कदा रोगी, वृद्ध र घाटतिर लैजाँदै गरेको मानिस देखेपछि उनको मनमा वैराग्य आयो । त्यसको लगत्तै अर्काे दिन उनले भिक्षुलाई देखे । भिक्षुको चिन्तामुक्त तथा शान्त भाव देखेपछि राजकुमार सिद्धार्थ प्रभावित भए । दरबार त्याग गरी ज्ञानको खोजीमा बोधगयामा ज्ञान प्राप्त भएपछि जीवनमा ज्ञानको प्रचारमा हिडेका उनै राजकुमार भगवान् बुद्धको रुपमा प्रसिद्ध हुन पुगे ।
२५६६ औं बुद्ध जयन्ती मूल समारोह समिति पोखराले आयोजना गरेको सप्ताहव्यापी कार्यक्रमअन्तर्गत शनिबार धर्मदेशना कार्यक्रम आयोजना गरियो ।
मार्फा थकाली समाज पोखरा–१२, चापापानीमा धर्मदेशना गर्दै बौद्ध अर्घाैं सदन पोखराका लामा गुरु विनोद गुरुङ लोपेनले विश्वकै पवित्र भूमि लुम्बिनीमा भगवान् बुद्धको जन्म भएको बताए । उनले बुद्धको जन्म, बुद्धत्व प्राप्ति तथा महापरिनिर्माण दिवस पवित्र दिन वैशाख पूर्णिमामा परेको उल्लेख गरे ।
कार्यक्रममा अध्यक्षको आशनबाट धन्यवाद ज्ञापन गर्दै बुद्धजयन्ती मुल समारोह समिति पोखराका उपाध्यक्ष चन्द्रप्रसाद गुरुङले बुद्ध बौद्धमार्गीको मात्र नभै विश्वकै पूजनीय भएको बताए ।
स्वागत मन्तव्य राख्दै समितिका कोषाध्यक्ष एवं धर्मशीला बुद्ध विहार दायक सभाका पूर्व अध्यक्ष गोविन्द ताम्राकारले पोखरामा औपचारिकरुपमा २०१८ सालदेखि बुद्धजयन्ती मनाउन सुरु भएको जानकारी दिए ।

Related News

सम्बन्धित समाचार

hero news full width