पोखरा महानगरको मतगणना सुरु

विजय नेपाल
वैशाख ३१, २०७९
pokhara vote count starts (1)

पोखरा, ३१ वैशाख । मतदान सम्पन्नको २३ घण्टापछि पोखरा महानगरपालिकाको मतगणना सुरु भएको छ ।
सर्वपक्षीय बैठकले दिउँसो २ बजे मतगणना सुरु गर्ने निर्णय गरेपनि मतगणनामा बस्ने दलका प्रतिनिधिको परिचय, गणकहरुको व्यवस्थापनमा ढिलाइ हुँदा दिउँसो करिब सवा ४ बजेदेखि गणना सुरु भएको हो ।

सहिदचोकस्थित मुख्य निर्वाचन अधिकृत कार्यालय रहेको पोखरा उपत्यका नगर विकास समितिको सभाहलमा र जिल्ला समन्वय समितिको सभाहलमा गणना सुरु भएको हो । त्यसमध्ये नगर विकास समितिको हलमा १ ठाउँमा र जिससको सभाहलमा २ ठाउँमा मतगणना भएको छ ।

पोखराका कुल ३३ वडामध्ये वडा १, १२ र २३ बाट सुरु गरिएको मुख्य निर्वाचन अधिकृतको कार्यालयका प्रमुख श्रीकृष्ण भट्टराईले जानकारी दिए । उनका अनुसार मतगणना छिटो सम्पन्न गर्न २ भवनमा गरी कुल ६ स्थानमा मतगणना गरिने छ । महानगरका कुल ३३ वडामध्ये वडा १ देखि ११, वडा १२ देखि २२ सम्म र वडा २३ देखि ३३ सम्मको गरी ३ स्थानमा मतपेटिका सुरक्षित गरी राखिएको छ ।

स्थानीय तह निर्वाचनअन्तर्गत शुक्रबार कुल ३३ वटा वडा रहेको पोखरामा ६८.९५ प्रतिशत मत खसेको थियो । पोखरामा २ लाख ७ हजार ७ सय १२ मतदातामध्ये १ लाख ४३ हजार २ सय २६ जनाले मतदान गरेको पोखरास्थित निर्वाचन कार्यालयका प्रमुख हुमनाथ पराजुलीले जानकारी दिए ।

पोखराको मेयरमा २३ र उपमेयरमा ८ जनाबीच प्रतिस्पर्धा छ । समग्र कास्कीमा कुल २ लाख ८१ हजार ८ सय ३३ मतदातामध्ये ६९.९० प्रतिशत मत खसेको थियो । २०७४ सालको स्थानीय तह चुनावमा कास्कीमा ७५ प्रतिशत मत खसेको थियो । कास्कीमा पोखरा महानगरसहित रुपा, माछापुच्छे«, अन्नपूर्ण, मादी र रुपा गाउँपालिकामा गरी कुल ७२ वडा छन् ।

माछापुच्छे« गाउँपालिका, अन्नपूर्ण, मादी र रुपा गाउँपालिकामा मतगणना बिहानदेखि सुरु भएको हो । तीमध्ये माछापुच्छे«, रुपा र मादीमा नेपाली कांग्रेस र अन्नपूर्णमा एमालेले सुरुआती अग्रता लिएको छ ।

Related News

सम्बन्धित समाचार

  • कृषिमा आत्मनिर्भर बनाउन प्रदेश सरकार क्रियाशील : मुख्यमन्त्री पोखरेल

    आदर्श समाज सम्वाददाता असार १५, २०७९
    पोखरा  । गण्डकी प्रदेशका मुख्यमन्त्री कृष्णचन्द्र नेपाली पोखरेलले गण्डकी प्रदेश सरकार कृषिलाई आधुनिक एवम् व्यावसायिक बनाउन प्रतिबद्ध रहेको बताएका छन्…
  • बजेटको किचलोले संसद बैठक अनिर्णीत

    प्रकाश ढकाल असार १४, २०७९
    पोखरा । चल्तीको नाम सांसद विकास कोष अर्थात् निर्वाचन क्षेत्र पूर्वाधार कार्यक्रमको शीर्षक नै अर्थमन्त्रीले काटिदिएपछि गण्डकीमा बजेटमाथिको छलफल सुरु…
  • विदेशमा देखिएको सपनामा रमाउँदै पर्यटक

    धनबहादुर गुरुङ असार १४, २०७९
    पोखरा । बेलायत बस्दै आएका भीमाद ५, मिछुर्लुङका महेन्द्र आले २०७२ सालमा आफ्नो गाउँमा होमस्टे सञ्चालन हुँदा औधी खुसी थिए…
  • नेकपा एसका ४ मन्त्री र १ राज्यमन्त्रीले लिए सपथ

    आदर्श समाज सम्वाददाता असार १३, २०७९
    पोखरा । एकीकृत समाजवादीबाट नवनियुक्त मन्त्रीहरूले राष्ट्रपति विद्यादेवी भण्डारीसमक्ष पद तथा गोपनीयताको सपथ लिएका छन्। शीतलनिवासमा आयोजित कार्यक्रममा राष्ट्रपति भण्डारीले…
  • पटक–पटक किन भासिन्छ पोखरा ?

    विजय नेपाल असार १३, २०७९
    पोखरा । पोखरा महानगरपालिका ४ बूढानीलकण्ठ मन्दिर नजिकैको सडक शनिबार राति भासियो । त्यस क्षेत्रमा यातायात अवरुद्ध बनेको छ भने…

hero news full width