पोखरा । मतदातासँग प्रत्यक्ष भेट गर्नुका साथै मतदान अपीलका लागि पोखरा १४ का उम्मेदवारहरुले शुक्रबार पनि घरदैलो कार्यक्रमलाई जारी राखेका छन् । नेपाली कांग्रेसबाट वडाध्यक्षका उम्मेदवार बोधराज कार्कीसहित गठबन्धन दलका वडा सदस्य पदका उम्मेदवार एवं कार्यकर्ताहरुले मतदातासंग प्रत्यक्ष भेटघाट गर्न घरदैलो अभियान जारी राखेका हुन् ।

मतदाता शिक्षासहित घरदैलो गरिएको कांग्रेस पोखरा १४ का इकाइ सचिव सविना क्षेत्रीले बताइन् ।

कार्यकर्ताहरुले टोलवासीको हित र विकासका लागि बोधराज कार्की नेतृत्वको प्यानललाई अमूल्य मतले विजयी गराऔं भन्दै नारा लगाएका थिए । कार्कीको नेतृत्वमा वडा सदस्य पदका लागि तनुजा थापा, दिलमाया गुरुङ, शिव कँडेल र कृष्णहरि काफ्ले उम्मेदवार छन् ।

कार्यकर्ता एवं मतदाताको उत्साहजनक सहभागिता रहेको घरदैलोमा उम्मेदवार बोधराज कार्कीले वडाको आर्थिक, सामाजिक, सांस्कृतिक विकासका साथै हरेक टोलको समस्या समाधानमा सधैं साथ रहने प्रतिबद्धता जनाए ।

कार्यकर्तासहित उम्मेदवारहरुले अनुगमन टोल, प्रगति टोल, स्वागतनगर टोलमा घरदैलो गरी नेपाली कांग्रेसलगायत गठबन्धन दललार्ई मत दिन आग्रह गरेका थिए ।