पोखरा, २२ वैशाख । पोखरा २६ मा नेकपा एमालेबाट अध्यक्षका उम्मेदवार सूर्यनाथ भण्डारीले आफ्नो वडामा अन्य पार्टीले चुनाव जित्छौं भन्नु आफूले आफैंलाई झुक्याउने खेलमात्र भएको दाबी गरेका छन् ।
बिहीबार घरदैलो कार्यक्रममा उनले एमालेले विकासका योजनाको खाका तयार पारिसकेको र खाका सम्पन्न पनि एमालेले मात्रै गर्न सक्ने बताए । आममतदाताले समेत अहिले एमालेलाई साथ दिइरहेकाले आफूहरुको जीत सुनिश्चित भएको अध्यक्षका प्रत्यासी भण्डारीको दाबी थियो ।

चुनाव प्रचारप्रसार समितिका संयोजक रामचन्द्र तिमिल्सिनाले यो निर्वाचनमा एमालेलाई विजयी नगराएसम्म आफूले आराम नगर्ने बताए ।

रामकृष्ण जिसीको नेतृत्वमा भएको घरदैलोमा वडाध्यक्षका उम्मेदवार भण्डारीसहित सदस्य धु्रव थापा, वसन्त बन्जरा, प्रमिला बराल भण्डारी र शर्मिला सुनार भोट माग्न व्यस्त थिए ।