पोखरा, २२ वैशाख । पोखरा १४ मा गठबन्धनका उम्मेदवारले बिहीबार चुनावी सभा तथा घरदैलो कार्यक्रम जारी राखेका छन्।

कांग्रेसबाट वडाध्यक्षका उम्मेदवार बोधराज कार्कीसहित गठबन्धन दलका वडा सदस्यका उम्मेदवारको पक्षमा मत माग्न गठबन्धनमा रहेका दलले संयुक्तरुपमा चुनावी सभा गरेको थियो ।
सभामा बोल्दै वडाध्यक्षका उम्मेदवार कार्कीले वडाको आर्थिक, सामाजिक, सांस्कृतिक विकासका साथै हरेक टोलको समस्या समाधानमा सधै साथ रहने प्रतिबद्धता जनाए । उनले मतदाता तथा कार्यकर्तासँग अमूल्य मतका लागि अनुरोध समेत गरे ।

सभामा माओवादी केन्द्रबाट वडा सदस्यका उम्मेदवार शिव कँडेल, कांग्रेसका महासमिति सदस्य माया बराल, वडा इकाइ सभापति दिवस कुँवर, सैनटार टोलका लिलबहादुर पौडेल, कार्यक्रम संयोजक दलमान पुन, खड्क विक, मिलिजुली आमा समूहका मीना सुवेदी लगायतले टोलवासीको हित र विकासका लागि बोधराज कार्की नेतृत्वको प्यानललाई जिताउन आग्रह गरे ।
सो वडामा तनुजा थापा, दिलमाया गुरुङ, शिव कँडेल र कृष्णहरि काफ्ले उम्मेदवार छन् । उनीहरुले बिहीबार गैरीस्वार, सैनटार र नयाँबस्ती क्षेत्रमा घरदैलो गरे ।