पोखरा ९ मा मर्सानीको भरोशा

आदर्श समाज सम्वाददाता
वैशाख २२, २०७९
congress pkr 9~dipendra marsani

पोखरा, २२ वैशाख । स्थानीय तहको निर्वाचनका लागि नेपाली कांग्रेसबाट पोखरा ९ मा वडाध्यक्ष उम्मेदवार दीपेन्द्र मर्सानीको यतिखेर प्रशंसा छ ।
मतदाता कमला केसीले मर्सानीको हरेक कार्यक्रममा साथ दिंदै आएकी छन् । उनले घरदैलो अभियानदेखि चुनावी सभा र र्यालीमा मर्सानीको साथ दिदै आएकी हुन् । ‘वडा नम्बर ९ कांग्रेसको किल्ला हो, यो पटकको निर्वाचनमा पनि कांग्रेसकै जीत हुनु पर्छ भनेर हामी चुनावी अभियानको कसरतमा छौं’ कमलाले भनिन् ।

‘राजनीतिक व्यक्तित्व मात्र नभई टोलवासीको हरेक समस्यामा साथ दिने सामाजिक व्यक्तित्व पनि भएकाले उहाँको जीत निश्चित छ’ वडा ९ नयाँबजार क्षेत्रमा घरदैलौ कार्यक्रममा रहेकी मतदाता विना श्रेष्ठले मर्सानीको प्रशंसा गरिन् ।

विना र कमला त प्रतिनिधि पात्रमात्र हुन् । कांग्रेसको इतिहासमा सदैव प्रभाव क्षेत्र मानिने र सबैजसो निर्वाचनमा कांग्रेसले नै विजय प्राप्त गर्दै आएको पोखरा ९ मा यस पटक पनि विरासत कायम हुनु पर्ने सबैजसो वडावासीको धारणा छ ।

प्रजातन्त्रका सेनानी तथा २००७ सालका योद्दा सुन्दरप्रसाद मर्सानीका नातिमात्रै दीपेन्द्र विभिन्न सामाजिक, शैक्षिक संघसंस्थामा क्रियाशील व्यक्तित्व हुन् ।

‘वडाबासीको आशालाई जीतमा परिणत गर्नु छ । ९ नम्बर वडालाई नमुना वडा बनाउनु छ’ अध्यक्षका उम्मेदवार मर्सानीले भन्छन् । सदस्यमा भावना श्रेष्ठ, गीता चर्मकार, लक्ष्मी पहारी र नन्दराम गिरी पनि मर्सानीझै यतिखेर भोट माग्न व्यस्त छन् । उनीहरुले बिहीबार नयाँबजार प्रदर्शनी केन्द्र आसपासमा घरदैलो एवम् मतदाता भेटघाट कार्यक्रम गरे ।

Related News

सम्बन्धित समाचार

hero news full width