पोखरा । नेपाली कांग्रेसतर्फबाट पोखरा ९ मा अध्यक्ष पदका उम्मेदवार दीपेन्द्र मर्सानी लगायतका उम्मेदवारले बुधबार चुनावी र्‍याली निकालेका छन् । मतदातालाई जागरुक गराउन सो ¥याली निकालएको हो।

‘मतदाताको उत्साहजनक सहभागिताले हामी निश्चिन्त छौं,’ वडाध्यक्षका उम्मेदवार मर्सानीले भने ‘चुनाव पछिको विजयी र्यालीको अनुभूति दिने कार्यकर्ता एवम् मतदाताको सहभागिता रह्यो ।’

स्थानीय निर्वाचनलाई लक्षित गरी निकालिएको चुनावी ¥याली पालिखेचोकबाट सुरु भई महेन्द्रपुल, नयाँबजार, पृथ्वीचोक, नागढुंगा क्षेत्र हुदै पृथ्वीचोकको बसपार्क क्षेत्र, साहारा टोललगायत क्षेत्रको परिक्रमा गरी सम्पन्न भएको थियो ।

जसमा कांग्रेस कास्की जिल्ला सदस्य विश्वशंकर पालिखे, महासमिति सदस्य मुना बास्तोला, महासमिति सदस्य वीरेन्द्रनारायण विजुक्छे, महाधिवेशन प्रतिनिधि सुनयना पालिखे, वडा अध्यक्ष रामराज लामिछाने लगायत उपस्थित थिए । वडामा मर्सानीको नेतृत्वमा सदस्यमा भावना श्रेष्ठ, गीता चर्मकार, लक्ष्मी पहारी र नन्दराम गिरी चुनावी मैदानमा छन्।